[急-15分] 捐錢是不是消費？

以上既回答唔係好正統,或者我試下答下啦.
經濟學既定義係,對商品和服務既獲取同使用.
呢個定義好似好難明,其實就係話你有冇用到,享用到一樣物品/服務.
平時我地出街食飯,人地提供食物同服務比我地,我地食左落肚姐係代表我地享受左呢種服務.
到我地係屋企,睇免費電視,雖然我地冇比到錢,但係我地有享受緊電視節目,我地有使用佢,所以係消費,即使佢唔洗錢.
對工廠黎講,佢同供應商買棉花黎整公仔,佢唔係為左自己享受,佢冇從中得到任何樂趣,而係用黎加工轉售,所以呢個行為唔係消費,呢D物件經濟學有個名詞,叫做PRODUCER GOODS,而我地平時用黎消費既物品,叫做CONSUMER GOODS.
至於捐錢,其實冇人從中享受過任何價值,只係一種資產轉移,冇消費,冇生產.
便服日,同捐錢差不多,講到尾冇任何物品同服務涉及當中,我會話佢係資產轉移既一種係明愛賣物會買野,入面賣既野你會用到,買公仔,買野食,你有享受過,所以算係消費.
需求定律我諗人人都聽過,但冇讀過經濟學係唔會真正了解到.
人之所以需求對一樣物品,服務有需求,係因為你認為呢樣野比到你不同形式既回報,可以係潛在回報(投資既需求),快樂(買玩具),貪吃(買野食)等等等等,我地食野打機睇戲,都唔會有咩實質回報,但我地開心,想食,所以有需求.
心理上既快樂係有價值,呢一點無論係經濟學,哲學都毋庸置疑,有一樣野最值得討論既係,心理上既快樂,可唔可以計黎數出黎,或者同錢相提並論,人人看法不一,你想知既,我可以再講.

2012-11-23 16:52:31 補充：
另外,講消費係可以拉到去GDP既講,我驚講咁深你會難理解,我唔牽涉咁多經濟野.
因為你每消費一蚊,GDP就會多一蚊,如果李嘉誠突然死左,佢D錢派哂比D仔,
咁如果GDP因為咁而多左二千幾億都好奇怪姐.
GDP係計算地區內所有既生產,而生產係為左消費,所以計哂D消費,支出就等如成個GDP.
(為左唔搞到太深,我只係簡化左,我想表達既係GDP既支出法,消費係GDP既其中一部份)
但有D野,比如我種菜自己食,整面包,,呢D都係生產,但由於冇金錢交易,所以GDP係計唔到.
GDP係好想計到呢D生產,就冇辦法計,所以GDP係有盲點.

捐錢是消費。
首先，我們要理解清楚經濟的基本理論，經濟科假設人在任何時候做任何事都是以自己的利益為大前題，人會平衡付出和收入以作出對自己最有利的選擇，而收入並不只是指金錢上的回報，也指非物質的，心理上的回報，在經濟學的角度來看，捐錢是為了得到心理上的滿足，提高知名度等，因此這是消費的一種。

另外，付錢參加便服日還有去義賣買東西亦算消費，理由同上。

有回報先算消費，損錢係積福，你唔一定要損錢，唔係人人都有錢，冇錢可以出力，或者出口。

嚴格來說,捐錢是消費的一種,因為你有支出,花了錢;但是用另一角度說,捐錢不是消費的一種,因為你是在help其他人,help人是唔計金錢這方面的

首先分析何為消費。消費就是當你用金錢來換取一些東西或服務的時候叫做消費。

捐錢的意思是, 用金錢來捐獻。獲得的回報未必是實質的東西。

當然不是啦！捐錢是幫助別人，是你想捐就捐的，應該不是消費