yahoo拍賣寄物品問題

郵局寄野既話, 分幾樣野 : 平郵包裹(開口/封口件), 空郵包裹(開口/封口件) , 特快轉遞(EMS), 大量投寄

所有包裹係要自己去郵局寄既, 去到之後你就要同佢地講係寄空郵定係平郵, 空郵佢就會比藍色空郵LABEL你貼, 平郵就無

平郵同空郵包裹可以外加掛號同雙掛號.....分別就係多抽TRACKING NUMBER比你上網CHECK返進度同有返張RECEIPT比你作為投寄證明.... 雙掛號會係收件之後再通知你....如果係一D要證明你已經寄件既包裹, 建議你最小都要掛號....不過如果你寄掛號既你就可以唔使寫資料係包裹上面, 因為你要將收件人既地址資料寫係將掛號紙上面再貼係包裹上面, 無畏多重功夫啦老友....

EMS理論上都係要自己去郵局, 不過如果你肯比多小小錢 (沒記錯好似$100) 而且有登記EMS帳戶, 可以叫人上門收件, 如果你寄夠唔記得3定4件, 就唔使比收件錢...

EMS貴, 郵包平, 不過郵包既保障同追蹤方面就差D, EMS就快好多, 理論上你當EMS係比DHL同FEDEX慢小小但平DD既COURIER都得 , EMS比FEDEX佢地好既地方係, 佢地唔計體績重(空郵/平郵包裹都係一樣), 對於寄勁輕既野比FEDEX佢地來講平, 而且沒DISCOUNT既平民EMS一定平好多... (商用客戶有DISCOUNT就差唔多價)

包裹 (空郵/平郵一樣), 都係包裹上面寫上地址, 成個包裹比佢幫你磅重 (個個COUNTER都有磅, EMS同BULK部門仲有大地磅添!), 之後就比錢買郵票貼上去就得, 另外你需要係COUNTER度囉張綠色既報關單貼係包裹背後清關之用,.....寄空郵既佢地會比藍貼紙你貼 另外個別國家要準備埋INVOICE.....不過沒記錯日本係唔使, 如果要既佢地會叫你比.... (用手寫都得) , 如果好多好多包裹而且已經寫好資料, 磅重同貼上足夠既郵票, 你可以填一張大量投寄表格去大量投寄, 會比一件件來得快好多, 佢地就會CHOP反將大量投寄單過來比你做RECORD....

純粹比多D資料你, 寄EMS就係另一條隊, 佢地唔使貼郵票 (不過你都可以貼, 但是如果重DD既件隨時可能貼到成個包裹都係郵票都未夠比錢), 佢地COUNTER度有FORM比你填, 填完之後成張FORM貼上個包裹, 之後比佢磅重比錢就OK, 可是寄EMS就要要清楚個別國家有個別清關文件要求, 有D要綠色清關貼紙, 有D要白色清關紙, 有D仲要連埋INVOICE添, 郵局姐姐會話你知架啦!

寄郵包建議你去到郵局之後買佢地D包裝物料! 會安全好多! 有泡泡ENVELOPE, 有膠PAK袋, 有箱, 好過只係用文具店公文袋, 而且買既包裝物料會係郵費度退返, 而且因為無體績重, 所以唔使怕箱子太大而增加郵費, 只係怕你唔夠野塞飽個箱D野浪下浪下罷了!

你去到郵局, 多數會分開三行, 一行係繳費同電子證書申請, 一行係一般信件同郵包, 一行係EMS(特快轉遞)同BULK (大量投寄), 唔好排錯隊, 去到之後問人就可以了!

有咩問題請隨便講......如果你時時寄件, 建議你去郵局囉定D綠色報關貼紙, 空郵貼紙, 掛號貼紙, EMS FORM, 順便撻埋本EMS/包裹價錢表同投寄文件要求既資料返去慢慢睇好D....

P.S.: 寄包裹佢有可能會問你係寄開口件定係封口件, 開口件就係唔封口只係用繩扎好D包裹就算方便海關抽查, 封口件就係已封口既, 不過價錢唔同而且如果海關要查件既都係會解封之後再返貼.....自己恆量寄開口件定係封口件

2012-11-28 21:14:56 補充：
EMS係特快專遞。。。。手快快打錯左。。。。

郵費是按重量計算的，所以每樣物件郵費也不會相同，寄外國又分平郵空郵，價錢及速度成正比，建議你包裝好後，到郵局櫃面寄，職員會以重量及地區為你計算。你入到郵局，自會有人招呼你。
寄一件衣服，或寄一對鞋，是不是包裹，最終其實是由你決定。
不過一般而言，消費者需求是平而快，若二公斤以下，十個有九個都會選擇寄信，而不是包裹，除非2公斤以上必须寄包裹。