問中3選科! (20點)

你好我讀緊新高中選修生物及另外一個理科......

諗住選Bio+ICT(用中文讀), 會唔會好難讀? 關係大唔大?
唔好以為Bio只係勁背嘢唔難讀，依科的胄唔似文科死讀書果種背，胄嘢噝Bio依科嚟講已經係最易最低層次，當你做題目的時候就會知道唔係咁簡單，D問題唔係原原本本完完全全問返書的內容叫你背返哂D答案出嚟，係咁的話洗鬼你讀咩個個都攞到好高分甚至滿分啦，果D題目會轉個彎嚟問你要你徙書裡面學到的內容延伸思考，例如我中四試卷有條問題好間接咁問食得多鈣會點，但係書只係講吸收鈣的重要性 / 好處完全無講依樣嘢，又例如有課係人體的運動，講手腳骨骼果D，書淨係講手佢題目出腳(相似但有少少唔同)，書又係無提過腳架，所以嚴格嚟講個人認為Bio依科淨係溫書唔算好難做題目就真係難啦所以要操多D兩者的比例應該要一比一，但其實會唔會好難讀依樣嘢都幾主觀嘅，只可以講你用中文讀(我都係)已經好好架啦，比起好勁的英文中學學生反而用中文讀比賽有優勢(我唔係亂吹有首屆文憑試數據證實，因為用英文讀的同時又要理解消化實在好吃力，加上唔知你有無睇過用英文讀Bio的同學本書D生物專有名詞單係一個字已經長到咩咁我就見識過啦)。
至於ICT我就無讀唔清楚，不過每科都總會有各自的難處嘅，易就唔洗你讀啦係咪先。其實講真兩科關係好少好少，但我唔覺得有咩問題，無關係都可以讀格，新學制就係有佞個特點，我都識人文理商讀哂啦唔緊要架，只要係你興趣(鍾意又讀得開心)或能力(真係可以應付到)基本上都可以讀得好好。
依兩科都係我興趣,但ict較為遜色... 出路大唔大?? 我比較想做電腦工程師(會有動力去學),其次就係廚師同郵差
喂其實你都識講依兩科都係你的興趣，第時又有動力去學同想做電腦工程師，有個咁明確的方向同目標我覺得你已經唔洗點理出路大唔大囉，既然依個係你興趣同理想緊係朝住佢行啦，雖然我無讀ICT，但我都知道依科唔係遜色囉，出路都...幾容易搵到工架，因為依D技術性行業又都幾經常接觸到日常生活係好做唔錯架，Bio的出路唔洗多講啦係嘛，都幾廣泛例如護理、藥劑、營養、職業 / 物理治療等待果D。
選呢兩科好唔好呢? 多唔多人讀? 第時難唔難搵工?
同樣好唔好依樣嘢都係好主觀架喎，但係你已經話想做電腦工程師選ICT我當然話好啦，Bio就真係要你自己決定返啦，諗返自己的興趣能力同埋除咗想第時做電腦工程師之外仲會唔會可能做與Bio有關的工作(我上面已經舉咗D例子不過仲有好多)等等。至於多唔多人讀Bio唔洗講啦一定多人讀，因為D人好多都以為依科好易讀淨係背嘢，相信有十成七人都係被fake咗入去，ICT講真無Bio咁多但睇返首屆文憑試的數字...都應該可以話唔算少掛，第時難唔難搵工上面出路已經答咗唔再多講，重申兩科都係唔難。
我唔讀大學都得嫁..(因為唔夠能力...),但係讀唔到大學又會點呢?
好簡單依家香港社會差唔多個個都係大學生攞住張大學畢業證書，你無咪好似蝕底輸咗比人哋咁囉，你係老闆都寧願請個大學生返嚟幫你做嘢啦(雖然依家有好多大學生都高分低能)，你大學畢業之後先出嚟搵嘢做學歷高D感覺上都會勁D比較有優勢啦，讀唔到大學咪好難搵到理想的工作同D低學歷的人一齊人工低囉。不過放心讀唔到大學唔緊要嗶出路就多啦，其一出來社會工作(但唔建議)，其二重讀中六重考DSE(都唔建議因為用多半年時間溫返兩年半的嘢唔會有好明顯的進步反而浪費咗自己的時間光陰)，其三家庭經濟環境良好可以選擇海外或國內(內地)升學，其四讀副學士學位或高級文憑課程或果D咩持續進修學院(即類似IVE的嘢)，其五金錢上應付到的話就讀私立大學等待好多。

打咗好耐打得好辛苦架，祝你選科順利同埋希望我以上愚見及經驗對你真係有幫助啦！！