藏毒k仔點判!!

振毫，您好！

1. 您之前衰過k仔，今次重犯同類案件，法庭一般會傾向以較重刑罰處理。另外，您提過曾經進入更生中心服刑，都係因為2010年單藏毒案嗎？

2. 由於您未年滿24歲，法庭一般都會幫您拎報告，可能包括背景報告、感化報告、更生/勞教/教導所報告或戒毒所報告等，亦會幫您驗毒。更生/勞教/教導所不適合有毒癮既犯人，而比較大機會判感化令(配合自願戒毒)或戒毒所。

3. 正如您所講，等候報告期間有可能被還柙(拋)2至3星期，工作/讀書可能係其中一個求情理由，另外家人照顧、之前服刑既表現、保釋條件(如自願宵禁/警署定期報到)等等都係申請保釋既求情原因。不過由於您係有同類案底，請有心理準備申請保釋會較為困難。

以上內容並非正式法律意見，當日可以同當值律師傾傾了解保釋安排，亦歡迎您搵我傾下傾，已pm咗聯絡方法俾您。

祝您好運啦！

正如樓上所講咁樣！

今次衰的份量雖然不多，但由於你之前有過同類型的案件，判刑可能較之前重。
相信亦都因為咁樣，令到你更加擔心呀！

如果你現在開始工作而且是全職亦可以作為你求情理由，可以要求在出面拎報告，但未必成功。不過除左工作外，你在何時入過更生中心，因為什麼事入去？家人知道嗎？他們的反應是什麼？有沒有社工跟進，等等。都會影響判刑。

如果你想知道多D求情既事，你可以聯絡我，[email protected]

等你消息！