中意1個男仔..比d意見thx

我今年中三啦 女仔
咁小六個年識左個好純既男仔，交情唔錯
之後我同我fd講我中意佢，我fd講左比佢聽

升上同一間中學但係唔同班，某日佢同人地講話中意我
個日之後佢就一直避我，一見到我就跑走　
而且我都唔知點面對佢好，就愈黎愈陌生

升上F2之後唔知點解一見到佢會心跳加速..想避開佢
但係我地到左F2已經完全係陌生人
我覺得自己好似真係中意左佢，之後互動其實都唔多
－佢生日，我fd以我既名義寫生日卡放佢locker，之後佢全日都放個枱面
－問佢借野，佢迴避我眼神，之後好似好緊張咁拎比我
－距離遠既話，佢見到我有好似嚇一嚇咁，之後唔知笑咩
－我上台表演佢會直視著我，直至我望返佢，佢先擰轉頭
－成日自己係我附近行過，有人搵佢先行開一陣，之後又開行返黎
（唔知係咪特登啦，但係好幾次都係咁）...

而家F3啦，咁見面既機會都多左，因為課室同locker都係同一層
佢見到我都唔會跑走，而剩係低頭行過，扮見唔到我
開locker成日都會見到佢，但係我真係唔敢叫佢

感覺上我地之間好似有層隔膜，我想打破但無能為力　
因為我自己一望到佢個人就亂晒，好緊張，完全冷靜唔到
之後就逼自己扮鎮定，扮到好cool..但係心入面就好care
不過我F1下學期到而家同佢講過既野真係唔夠十句 ...
我可以點比暗示佢 ... 我覺得自己好犯賤，中意佢又扮到唔中意咁

好啦Btw我知道中學生唔應該拍拖
其實我都冇諗住拍，因為我覺得我地好難係一齊，拍拖諗都唔敢諗
我地2個成績都唔錯，band1，ranking 全級頭30
所以唔洗叫我注重學業嫁啦，我識得去衡量輕重　

我只係覺得咁樣落去唔係辦法，我都已經中意佢中意得好攰啦..
可唔可以比d意見我參考下，或者教我點放低佢 唔該晒..