感到被冷落...

中一時 我地三個女仔仲係好好嘅朋友
有人話三個人嘅友誼 總會有人被冷落
而跟住發生嘅事 就令我開始相信呢句說話

(雖然我知A B C咁好煩 但比較容易表達
(希望大家耐心睇下 幫手解開我嘅心結...

中一時我識咗女仔A同女仔B
一直好地地咁一齊fd一齊玩一齊努力一齊癲
去到中二 我發現自己同女仔A比較啱傾
我地可能真係表現得同對方fd得濟掛...
有一日女仔B send咗個msg比我
同我講佢覺得被我同女仔A冷落 好唔開心
當時我唔想失去呢個朋友 好辛苦先tum返佢

呢件事之後我發現自己會不自覺同佢地保持距離
我都好想可以三個人一齊傾 一齊玩
但係tum返女仔B後
好明顯覺得佢只係想同女仔A做朋友
明明三個人坐埋一齊
佢只會對女仔A講野、做朋友間親密嘅動作
簡單到我同女仔A一齊行緊傾緊時
女仔B都會走埋黎搭住女仔A膊頭講野
然後? 愈行愈遠...剩低我自己一個

雖然女仔A仍然對我好好
但我性格內向 點都唔及女仔B咁主動
好多時只好默默係背後睇住佢地好開心咁傾計
就算知道真正嘅友誼唔會'搶'得到
但我就係會呷醋、心酸
係朋友之間被冷落嗰種 (唔係les架
唸到一直當係好朋友嘅人可能根本唔當你朋友
而且成日好似自閉咁自己一個人
...真係好想喊
我更加唔知應該點面對我嘅'朋友'...

我亦唔知應該點開口同其他人講
連對住一向嘅傾訴對象男朋友都講唔出
結果覺得自己好似因為唔想傷害人地
反而傷害到自己嘅感受

我應該點做...?

(btw利益申報: 我自問從來無因為拍拖而冷落友情架...