[求助]寫完道歉信，女仔覆我...

首先,我想講,你真係用我上次教你條橋,我覺得幾開心..................好!入正題!
如果佢話已經原諒左你，但唔想再同你糾纏落去...
我覺得仲有救,但要時間
既然佢原諒左你,表示你都成功左一大步,而家只係差在你兩個關係可唔可以變返以前咁,但係佢而家對你好失望,唔想再同你糾纏落去。作為一個女仔,我認為時間可以慢慢沖淡佢心入面果條刺,呢段時間唔好刻意討好佢,只需要默默幫助佢(當然,你系要故意扮到不小心比佢發現原來你一直默默幫助佢）一段時間後,佢會自自然覺得你真心改過~

答案是:

" 其實我已經原諒左你，但唔想再同你 糾纏落去 "

但你又唔好咁快放棄, 用時間好好改過啦..........

如果時光可以倒流,有早知,冇黑衣啦哥哥.....

不過, 睇都知錯,加油!!!!!!!!

我唔知你同佢發生咩事 , 也不知你同個女仔熟成點 。

你應該冇什麼戀愛經驗 , 因為你好似我 , 我第一次初戀女友要分手 , 我又係死求難求 , 之後佢答我的內容同你朋友講的話差不多

建議你就真係唔去再去搵佢住啦 , 無錯, 你係好想好想回到過去 , 個女仔又同你好番 , 但只是你自已的相法 , 有時呢 , 我地要從對方的角度想 。

但你有樣野好 ! 呢樣係現在d靚仔唔會用的 , 就係寫信 , 呢樣野其實好work , 以誠意黎講 , 好過email...whatsapp百倍啦 , 可能他也受你這份誠意感動 。所以原諒你


佢想你成熟 , 另一個說法就係話緊你幼稚 。其實佢講得你幾好 世界又唔係得佢一個女仔可以做朋友 , 點解你唔去嘗試認識更多人呢 ? 唔係叫你去搵老婆 , 而係真係擴闊生活圈子 , 認識多點朋友 , 家下唔係佢只可以啤到快樂你 , 其他人都一樣得 。 世界其實好大 , 可能你睇到我呢段話冇耐就認識新的一位呢 , 愛情係要專一 , 但有時緣份呢d野好難講 , 要合的點都會合到 , 例如許志安鄭秀文 , 散左 , 男的之後另外拍了兩次拖 , 但最後都一齊番 , 呢d咪叫緣份囉 , 另外你可以趁呢段空窗期增值自已學業/工作

你現在去搵佢, 佢只會覺得你煩 , 煩 , 煩 , 好煩 , 火上加油 ,

如果真係要搵 , 聖誕都不要了 ...send個sms 聖誕快樂就算.... 等到新年吧 , 打個電話好 , 個時佢心情好d , 聽你講野都順口d , 問下人近況點好啦 , 不要想太多

希望幫到你

個人建議你跟００４既造法。

其實咁卑鄙既事都做得出，證明你有前途，ｏ靘仔你得嫁，慢慢黎啦。

你好有機會超越渣誠前輩。

你執番身彩啦...她之前視你為偽君子...現在她視你為知錯能改，善莫大賢的君子，但君子之交淡如水...你唯有做到自己成熟成長有責任心肯付出唔計較懂處事和尊重人...等等的「美德」，不要是為她而做...只是給自己修養...

有朝一日她跟你相遇...你能告訴她「多謝你給我的鼓勵...我希望你幸福快樂」

你可以慢慢黎,而家你第一件事可以慢慢平衡番自己心情,仲有佢話下次見到你想你成熟D,其實可以第一步先搵出自己既缺點之後一日一日去改變
第二見到佢既時候你可以打一打招呼..你時間長左改善左缺點係可以做番朋友
最重要係比佢睇到你有所轉變

女人真係好奇怪既動物黎架，佢地通常都口不對心架！
就算佢真係我手寫我心，極度爽朗真誠咁打呢段野畀佢，
ｏｋ，我當呢一刻佢真係當你殺父仇人，好憎你好憎你，ｓｏ？

女人真係好奇怪既動物黎架，佢地好善變架，五時花，六時變！
你睇下佢地ｄ「好姊妹」平時點相處，
呢頭就糖痴豆姊妹相稱，擰轉面又講是非，
今日就攬身攬勢，聽日就反面！
但係過一排，你又發現，佢地又ｆｄ番喎！
所以呢，嬲唔嬲，鍾唔鍾意呢ｄ野唔係咁死架，
佢呢一刻對你係點，都未必可以堅持落去！
所以又唔會話完全冇希望既！

但我又唔敢話一定有希望喎。
老老實實，你提供既資料太少啦，你為保自己既名聲，都唔講自己做錯乜。
唔知你做錯乜，好難知道有幾嚴重，咁冇可能估到條女原唔原諒你架喎。
你對佢做過ｄ咩呀？性侵犯？對佢講粗口？
淨係呢兩樣野已經好大分別啦，結果都會唔同架喎！


2012-11-12 20:39:15 補充：
乜野大話？同佢有關？
大話人人都會講架喎，但係咩程度先？
反正你匿名，唔怕講喎。

2012-11-13 18:55:47 補充：
都係唔夠仔細喎！不過睇你都係禍從口出，應該唔係咩大事。
大家少男少女，邊識結埋Ｄ深仇大恨丫！
你落足咀頭畀Ｄ誠意，佢應該都會ＯＫ，或者丟淡左件事，下左火就冇野啦！
不過女人真係好奇怪既動物黎，佢地好小器架！
你唔畀Ｄ耐性都唔得，同埋佢把口話原諒你的話，都會記住件事，心中有條刺！
他日你再有咩得罪，佢就會翻舊帳架喇！

不過你都係得少少鍾意左佢啫，就算佢唔原諒你，在溝女而言，都唔太有所謂，至多咪唔溝！
只係對你人格而言，應該要有內疚，所以都盡量應該要求下原諒。
不過人為既野，可以做既都好有限，佢受唔受就睇佢，同埋睇個天幫唔幫你啦！
冇架喇，你咪求下饒，成功咪恭喜你囉！

2012-11-13 18:56:20 補充：
失敗既，咁都冇計架，盡左人事就係。
至於女既野，最多咪溝過第二條，又是一條好漢！

系！當一個女人講到5想同你糾纏下去證明區對你已經死心，先會講得甘肯定。