我係住公屋的，已經買左，之前因為個公屋租戶A (同我一樣已經住左十幾年，只係佢無買個單位，仲係租房署的，我叫佢做A) 將佢D垃圾扔過黎我果邊，我同佢理論，叫佢將佢的垃圾放番係佢自己門口
結果吵大鑊，仲call埋管理處上黎
之後A就經常係我門口搞事，吐香口膠、扔紙巾(入面有野的)
最近仲要吐痰係我度門，有時就吐落鐵閘度
我好嬲，同管理處講，但佢地話無證據好難幫我
於是我裝左個CCTV係門口，錄到A的罪證
我再同管理處講，佢地話只係幫我勸下A，叫A唔好咁做..............
我話A已經唔係第一次咁做，我有影相做證明，每次都只係回覆我證明唔到係A做，好難幫到我
今次有片，就只係勸..........
我要返工，屋企無人，呢幾次吐痰，下次可能放火燒我屋企........
我仲有咩方法？？
我可唔可以報警？告A毀壞我家？
我屋企樓下有個房署的租約辦事處，A係公屋租戶，我可唔可以搵佢地？？用唔用到扣分制？
我真係好想搵方法懲治A，佢唔係第一次，已經做左好多次
希望大家可以給我一點建議，我可以怎樣做，謝謝！！
更新1:
致Yan 謝謝你的回覆，不過經過管理處的勸告後，不夠數天門口又被吐痰了，我想勸告應該無效了....... 找區議員有用嗎？他們可以幫到我嗎？？ 謝謝！！