關於交稅，第1次收到綠色信

雖然5月初會大批發出稅表, 但如果稅局收到資料後認為你可能需要納稅(或者好耐無報稅的人要做覆檢), 稅局亦會在其他日子發出稅表.

如果想計要交幾多稅, 你可以上稅局網頁同計算機計, 但交稅時亦要交埋預繳稅(申請個人入息課稅而結果對納稅人有利者除外). 預繳稅係根據你所提供資料、扣除及免稅額去計算.

公司係向稅局幫你報你1/4-31/3的人工(IR56B), 或者1/4至你離職當日(IR56F)人工, 並唔係你個人稅表. 公司比你的文件係幫你報薪俸稅部份. 個人稅表(BIR60)係納稅人自己填報. 不論收入多少, 收到稅表必須依時填報遞交, 否則罰款、估稅甚至起訴.

IR56B及IR56M係報未扣僱員強積金供款的人工, 同你存摺金額未必一樣. 你自己對下MPF供款同你存摺加埋係唔係等於IR56B及56M所報. 第4部薪俸稅4.1部分係根據IR56B/M填你任職公司, 期間, 職位及人工, 人工係填未扣僱員MPF那個. 4.3部分填你供幾多MPF, 2011/12年扣除上限為$12,000.

我不知你有沒有物業稅及利得稅收入. 如果你有這些收入, 你可以選擇個人入息課稅, 總收入大過免稅額及扣除就要納稅. 如果不選擇個人入息課稅, 利得稅、物業稅及薪俸稅會分開幾張稅單出, 並各自納稅.

個人報稅表BIR60一般發出就要填，即使你唔使納稅！強積金可以從薪俸收入中減免，見第4部份！僅供參考！