各位好!
<個人背景>
小弟17歲讀完中五只得(3分)今年已經24歲！畢業個陣雖然傻更更但都想繼續讀書，個陣去過"明愛白英奇"諗住讀個工商管理課程但學費一年都成幾萬，好似讀4年，起碼要洗10幾萬，屋企仲有幾個細佬妹，萬一個個讀唔到書好似我咁，爸媽要供我地讀既話一定會好攞命，最終讀左個無用既一年制課程就出去做野。到現在已經工作左6年,做過倉務、CS、文員、到現在都仲係做緊銷售助理搵既錢真係少到唔少(少過10K)，現時公司每年都會有D大學既實習生黎，我都會好羨慕人地咁後生已經係大學生，將來前途唔保證一定好好，但「選擇」一定比我多！
作為一個男人又係一個阿哥，我要自己將來係可以搵到食有能力照顧到一頭家，但以現時呢個學歷，七級資歷架構只有第二級，低到唔低！無論現在點勤力工作，無學歷根本”無得SAY無得選擇”。雖然已經24歲有點遲，不過真心想讀番多點書，希望得有心人指點下愚弟！
由於19歲個陣已經儲錢落份基金到，15年才可以取回加上搵既錢唔多，所以現金流確實非常有限，再者每月有既定開支所以小弟只能兼讀形式，全職讀書比較困難，同埋唔想問媽咪借錢。
個人目標：讀番個高級文憑最終大學
Q. 如果真係想讀到大學，我有咩途徑可以選擇?
會考3分同0分無分咩..是否需要先讀普通文憑再讀高級文憑最後先學士學位?條路係咪咁走?
Q. 都成24歲..讀完分分鐘30歲..唔好哂時間啦？有冇其他意見？
多謝各位耐性及幫忙！！小弟不勝感激！！
只有中五學歷,會計3分現已24歲,想進修..希望有日讀到大學
2012-11-08 1:29 am
回答 (3)
2012-11-17 2:05 am
✔ 最佳答案
如果要以進修計, 要睇你公司support唔support你進修.如果支助你進修既, 其實好多學院都有開hd貨程, IVE , HKUSPACE , CITY U, 你可以試下讀DIPLOMA上去, 不過價錢都會貴..... (可以扣CEF, 回返D水都好過無)
你讀完大學都要30, 不過30先有同30都未有, 你覺得點? 自己想像下囉....就算未有大學學歷, 有CERT已經有多好多優勢, 至少你既身份已經由"中五3分"變為"大專學歷"
不過你要留意, 另一師兄講既OU又好, 上面既HKUSPACE都好, 對英文都要有一定要求, 未開始既最好先係英文上面落D功夫, 將來無咁辛苦, IVE英文要求就低D, 可以一試.
COURSE因為你做開SHIPPING, 倉務, 可以讀BUSINESS LOGISTICS等既野, 應該會易上手D, 特別係做PROJECT時會有SO好多...
不過LOGISTICS開始式微, 如果唔介意轉行, 有無打算轉去醫官局做? 醫官局既網頁成日都請人, 你大可以入左去先, 再睇上位職位有咩要求而針對進修就好了, 以你既學歷, 咩都唔做既可以試下報下做EAIII....或者CLERKS III 沒記錯都係9K左右, 都只係要點中五學歷, 可以一試, 不過文職競爭好大要有心理準備...
如果想機會高D, 醫局有職位叫P.C.A. (健康服務助理) , 讀完個COURSE之後就會被介紹去醫局做, 起身點沒記錯係11K左右....不過要SHIFT同埋要接觸病人, 唔介意又想有D前途既可以考慮下......
希望你前程錦繡
參考: 個人所知同經驗
2012-11-17 2:15 am
你個款讀完ＤＩＰ駁上Ｕ咪又係ＴＯＰ－ＵＰ
ＴＯＰ－ＵＰ ＤＥＧＲＥＥ真係唔好當自己係大學生
讀完出黎下場同而家可能差唔多，都係做Ｄ唔過一皮既工
你點同ＵＧＣ同埋ＭＡＳＴＥＲ班友去爭？
ｏ徒錢又ｏ徒時間，真係制唔過，到時喊都無謂
你會考得３分已證明唔係讀書材料，好難讀到有認受性既大學
冇計呢個社會係讀書叻既人先有運行，你只能認命
學歷就一定唔夠人黎，或可累積經驗，捱個十年八載，都有機會升職既
總好過中途斷左，去讀書，讀完又冇用，經驗又冇埋！
ＴＯＰ－ＵＰ ＤＥＧＲＥＥ真係唔好當自己係大學生
讀完出黎下場同而家可能差唔多，都係做Ｄ唔過一皮既工
你點同ＵＧＣ同埋ＭＡＳＴＥＲ班友去爭？
ｏ徒錢又ｏ徒時間，真係制唔過，到時喊都無謂
你會考得３分已證明唔係讀書材料，好難讀到有認受性既大學
冇計呢個社會係讀書叻既人先有運行，你只能認命
學歷就一定唔夠人黎，或可累積經驗，捱個十年八載，都有機會升職既
總好過中途斷左，去讀書，讀完又冇用，經驗又冇埋！
2012-11-08 5:08 am
無需要，直接入大學都得，香港勝在有OU，係本地認可嘅正統大學，不論年齡，不計學歷，人人可讀。
收錄日期: 2021-04-16 15:11:28
原文連結 [永久失效]:
https://hk.answers.yahoo.com/question/index?qid=20121107000051KK00305