琛明大師你好, 又是小女子!

咦，兩年無聯絡，嫁埋添......有honey就想要house想要baby.....明白！回覆如下：
1.我都無樓市ge水晶球.....唔敢教妳幾時買樓，只可以話妳2013,14年田宅宮都唔係太好.....如妳們收入穩定供樓唔成問題的話(唔怕樓價跌的話)，明年亦可視乎樓市情況置業.....
2.2013馬年有產厄之象，護胎不可忽。2014羊年天喜星高照，理論上榮升媽咪(丈夫亦紅鸞星入子女宮，亦主榮升爹地)妳命盤主弄璋(仔)，丈夫命盤主弄瓦(女)....
3.明年癸巳年文昌化科祿存博士，主開卷有益，休業求學算合乎星象，只係忌星高照，恐學業較想象中多波折，如屬體育科則合"化忌"性質......
順道一提，妳原局屬戰鬥格之人，好難想象妳會做一般中學老師，莫非做體育老師？或坊間XX教育中心的補習天王式較合妳命格.....
祝愉快好運
琛明大師

2012-11-08 23:32:35 補充：
1.買樓第一講錢第二至講時機(有錢人人都識買樓)，田宅宮差未必不可以置業，只係意味家居唔係太如意或唔係太鐘意.....至於妳丈夫田宅宮同妳差唔多.....
2.据我經驗，尚未能準確預測生仔or生女，遇有夫婦一個主生仔，一個主生女的話，多數是反映父母意願，例如女可能想生仔，妳丈夫可能想生女.....
3.一般戰鬥格打併式命格理論上唔適合太穩定的工作，但係依家做中學老師都唔係妳想象中咁穩定架.......Well,大師寫包單，在可見的將來，妳一定會再搵琛明大師指點迷津.......

2012-11-09 23:28:24 補充：
琛明大師最喜歡人迎難而上，果真巾幗本色！加油！大師替妳打氣！至於由妳命盤看令尊病情有一定難度，只可以話2013年父或有手術之虞，而2013甲午年父母宮則較有凶象.....未如可否提供令尊生辰及病歷？皆因琛明大師正重撰【宮垣論】疾厄宮卷，想提高算疾病之準繩度，古人甚少腦癌記載，可能歸類"頭疾"，對腦癌判斷近乎空白.....最後補充一句，因懷孕涉十個月，如妳2014年分娩的話其實有可能2013年懷孕，但13年懷孕略有凶象，宜13年尾至14年初有孕較安全。喂，第日做左媽咪記得通知聲呀......

2012-11-11 00:36:51 補充：
謝謝提供令尊資料(非常寶貴)，令尊生辰有可能正確，皆因依辰時命盤，43-52歲乙未大運，依琛明大師手頭宮垣論疾厄宮資料，性質屬突然中風(爆血管)致半身不逐(古稱"風癱")，2007丁亥年火星擎羊會巨門化忌太陰化忌應災(風癱)算符合星象。與妳形容相類似，僅未有記載是"腦癌"，過去幾年其實一直都煞忌重重(難怪醫生稱奇蹟)，現入53-62歲丙申大運，如已有重病在身者，恐壽不過此限.....明年癸巳年一險恐在前，陰陽差一線.....後年甲午年亦凶論......願明年北極星君把壽添(北極星君指"紫微星"，即北極星).......

2012-11-12 22:59:15 補充：
妳丈夫明年運程算一般(財運事業一般)，然如果妳丈夫要係建築地盤開工要小心一些(室內較安全)，有受工傷的星象......