✔ 最佳答案
你對佢冇feel,只係佢鍾意你,而你又唔鍾意佢,甚至憎佢,同佢係仇人既話,你就唔會感動,相反,仲會憎佢,好簡單既原理。
遇到咁既情況,你可能會立即拒絕,但係要先諗下對方會有咩反應,佢既會有咩感受,要慢慢同佢講你拒絕既原因,如果你立即拒絕既話,對方可能會好傷心。
之前試過有一個男仔同一個女仔表白,個女仔即刻拒絕,個男仔受唔住打擊而走左去跳樓。
你話如果你因為一個拒絕而搞到對方去跳樓,你個心都唔會安落啦!所以,每做一樣野之前,都要停一停,諗一諗,要顧及對方既感受。
你真係唔鍾意佢既,冇問題,呢個你有選擇權,但唔可以一句:我唔鍾意你,要講俾對方聽你既原因,令對方唔好咁傷心,仲要講D安慰既說話。