了解吓我個個案喇，心大心細!

小弟而家好難做，有幾個問題，希望有人提議吓Suggestions!
　
呢排，我諗我中意咗個女仔，佢上年同我一班，不過好不幸我今年升到班，而佢就要留多年班，雖然喺同一層樓，而且班房都只喺隔兩個，不過我好少可以見到佢。每次見到佢都只喺經過佢班房，或者我放學等埋我FD去食嘢，先至會咁啱見到佢。次次佢見到我，佢都會起勢同我Say Hi，不過我都只喺對住佢笑吓，冇好似佢咁Say HI......另外，我有佢FB，不過我冇同佢 inbox 傾計，更加唔好話SMS或者Whatsapp喇。
　
我同佢嘅關係都算唔錯。每次佢叫我都唔會叫我全名，次次都叫我「老豆」或者我Nickname。However，我呢排唔知點解成日都好關心佢。因為啱啱先九月開學，開學頭我都有去佢班房，不過都唔喺刻意搵佢，而家就更加冇去佢班房喇，因為佢果班個阿Sir 唔比我入去。
　
喺佢果班，有個人成日都「借D椅」偷睇女仔裙底，而且佢果班D人都好似好「好色」。我通過我「一條針」知道咗呢件事，我好想話佢知叫佢小心D，但因為唔喺同佢同班，好少見到佢，加上呢個話題好敏感，我一直都想同佢講，但就喺搵唔到好機會同佢講。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
問題1) 喺佢眼中，我可能唔喺咁重要，佢平時都應該唔會諗起我，我又好少見到佢。我有咩方法可以同佢講呢件事，叫佢小心佢果班果個「色狼」呢?
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

其實我想借呢件事同佢慢慢增加關係，不過一直都未做到。

好喇，都算喇，我有個男FD同佢同一班，當然都喺留班喇。照咁睇，我果個男FD 同我「女神」咪會成日見到面囉。好多時我經過佢班房，我都見到佢兩個成日一齊傾計，傾到笑晒口咁。我而家好擔心佢兩個傾計傾得多，慢慢會培養到果D關係。因為我「女神」平時都好Open，成日都搵人傾計，成日笑，所以佢幾乎同每個人都會傾計。啱啱提到，佢果班D人除咗隻色狼之外，其他人都唔喺咁好，如果佢同佢班D人有火花......咁咪......? 當然我唔想見到佢同其他人一齊喇，但我梗唔想見到佢同D細過佢嘅男仔and 「邪惡」嘅男仔一齊。

我「女神」原本有一個男朋友，不過佢男友好似對佢好差。我唔知佢哋喺唔喺真喺有果種關係，不過我哋呢個Form嘅人就喺咁傳。自從我識佢，我都冇見過佢男友同佢交流，可能佢哋已經散咗，或者又未。點都好，佢男友唔理住，另一個問題就喺，佢自己有一個女仔FD，我之前同呢個女仔喺好好朋友，佢叫我「媽媽」(當然我喺男性) ! 不過我曾經同呢個女仔表白，最後當然衰咗喇，到而家我都冇再搵過佢，佢亦都Send 過一個SMS比我，話以後都唔想同我有任何關係，叫我以後都唔好搵佢，我就咁冇咗一個好好嘅朋友。如果我同我「女神」表白又失敗咗，我怕我又會冇多個朋友，我唔想咁呀。

件事大約喺咁，我又好想搵個好機會同佢講我對佢有意思。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
問題2) 我可以點樣同佢講我對佢有意思呢，或者點樣可以整一個良好機會同佢講，又或者點樣可以同佢慢慢增進關係? 越低風險越好，我唔想好似上一次我表白咁，喺咁我會好Sad 架。

承接上題，我嘅補充：

假如我就咁搶咗人哋個老婆，我會唔會好衰，雖然話佢老公對佢好差姐。
假如如果我遲遲不動，佢比人搶咗，咁我點算好呢。
如果我同佢親近咗，我見返佢個女仔FD，我哋會唔會好尷尬，我可以點樣避開佢。
最重要最重要，我想搵多啲機會同佢慢慢Close啲，之後搵個機會同佢講我對佢意思。
問題就喺，我既想盡快張佢「攞到手」，但又要一個99%安全嘅表白方式同佢講。有冇咩好方法。

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

件事大約就喺咁，我唔單只淨喺想同佢做同學、朋友、屋企人，而喺更加想如佢做戀人呀。篇文可能長咗啲，但希望大家有方法幫幫我解決問題。

THX