哈佬,有d關於報讀課程/進修嘅問題想問大家攞d嘅意見~

小弟係舊制學生,喺早兩年嘅末代會考攞得四分(phy,chem,bio,maths各一分,中文後悔無覆卷,英文程度甚弱),
事隔兩年多,我發現自己像是一無是處(期間跟過做泥水工人/三判嘅爸爸做咗年幾,現從事職保安工作),
所以想藉住進修/報讀課程去開拓自己嘅未來,把握自己嘅未來.......

我遇到嘅問題暫時有3個,希望會有有心人士幫一幫我啦
1.我符合ive所提供嘅基礎文憑課程的入讀資格嗎?
2.以我當年獲取到嘅分數/以我現今嘅程度,加上我對建造工程/護士行業抱有嘅希望,我可以/應該報讀邊一類嘅課程?
3.英文程度太弱,如不另外報讀英文課程的話,對我日後讀課程英文科目合格與否影響大嗎?

目前計劃係打算繼續做保安,做保安同時報d英文課程黎讀(返工時間可以就上堂時間),
而返緊工嘅時候亦會抽時間練習喺課堂習到嘅英文(期間仲會草錢),
當英文嘅程度去到某一個水平嘅時候就唔做保安,
然之後就會做parttime同埋報讀一d自己比較感興趣&有出路嘅課程黎讀...

哎呀,從來都無為過自己嘅未來打算嘅我呢一刻好迷茫啊!
唔知可以有d咩出路,唔知自己心目中嘅計劃係咪可行,唔知點樣可以令自己下定決心....
希望會有有心人士幫一幫我啦