流年飛星與宅原局.

依板主所形容，貴宅屬八運子山午向或癸山丁向(兩局理氣相同)，巽方開門納山星3水星4.....首先假設貴宅坐向正確，理氣屬雙星到向而巳方城門.....三四雙木成林，流年五黃飛臨口子，三碧四綠俱剋出，已可斷流年稍多破耗開支，人丁稍不安或丁口見離散而少聚......加乾金洩五黃，流年算破財擋災，不能理解為金木交戰，皆因非流年六白或七赤飛臨巽方.....否則如貴宅用鐵閘或鋼閘咪已經年年金木交戰？

另如貴宅屬「公寓」(即多層式大廈)而樓上樓下俱屬同一坐向者，尚有其他考慮，切勿以五黃到門即大禍臨頭，八白到門就坐定笠綠斷事，須知坊間連定陽宅坐向都有十種八種方法，五花八門，如貴宅非子山午向或癸山丁向，以上內容全部作廢........
琛明大師

2012-10-30 22:09:52 補充：
玄空(或玄學)不應一見"相剋"即視為"交戰"，皆因"剋"有時是指"制約"的意思，不一定是交戰狀態，三四遇流年五黃，可視為制約，更正確應理解為「四緣剋出」。流年飛星與原局關係稱為「值年值星交互測」，分生入剋入生出剋出同比和五種關係。基本上「逢出必凶」，有所謂「生入剋入為進神，生出剋出為退神」.....至於用乾金之物泄五黃，不能理解為會構成金木交戰，皆因受制約的五黃已屬生金無力.....

2012-10-31 20:06:02 補充：
無錯理論上五黃宜洩不宜剋，但亦要分主客星，流年五黃係客星，三四才是主人家，係五黃飛入巽方送上門受剋，你可以理解為係個賊自已行入差館投案，而唔係警察出去捉賊遇反抗。加乾金物再削弱五黃亦無不可(五黃算同時受剋泄)，只係嫌三四非當運星，制約五黃仍然要付出一些代價，故謂破財擋災也(例如家居要花費維修，而花費係為左間屋更好即屬)。然可以壯旺向首以作彌補氣子"剋出"做成之破耗，變成財去財來.....

2012-11-01 23:52:02 補充：
流年運程書僅作流年佈局當然屬不足(或與原局有矛盾未定)，但做法無可厚非，皆因三元九運共432局，如全部分析與流年關係，一來太多，二來讀者根本睇唔明，三來甘做都只純屬理氣分析，巒頭因素根本非作者可以判斷.....然而因流年飛星有一定影響力，照運程書佈局亦無不可，一般都不會發大禍，發大禍必因原局有凶在先.....

2012-11-01 23:57:14 補充：
流年飛星與運星比較屬各師各法，我所學的只與原局山水星較量(即之前所謂山星水星生出剋出生入剋入及比和關係)，我相信咁樣較為合理，因山星可斷人丁，水星可斷財祿，如與運星較量就唔知判斷D乜？

2012-11-02 00:05:52 補充：
零正神涉及風水秘密，坊間謂八運東北正神方見山，西南零神方見水大旺係非常誤導ge講法。例如香港各區樓價都創新高，並非獨旺西九龍。又睇中國地圖，西南方(零神方)乃青藏高原，東面才是大海，又何解中國八運大旺？故正神零神唔係咁簡單......

2012-11-02 00:21:59 補充：
至於五黃乃皇極(中宮)，能量最大，但用五黃有如火中取粟，難度極高。如運用得當即"五鬼運財局"(五鬼指廉貞)，可以速發富貴權加身，但如運用不當則易發禍，故用五黃有"不得錢財即得棺材"之說。即你所謂又係財星又係災星之說.....但歷來皇家風水師(或明清欽天監)替帝皇家服務重視"長治久安福澤綿長"之佈局，不取"富貴險中求"之佈局，只有一味向錢看的風水師才會妄替人家"用五黃"佈局，用五黃(皇極)係必須付出代價的.......

2012-11-02 00:34:35 補充：
八運西南方又係最賺錢又係災星位唔可以咁理解ge.....難到八運中國西南方省份最賺錢嗎？歐洲的西南方係大西洋，難道歐洲八運最賺錢富裕嗎？日本(八運)受海嘯重創乃來自東北面.......所以零正神及五黃好難三言兩語講得清楚.....有機會至再講.......

你的問題
可以參考一下這個算命網站

有免費的紫微斗數算命、易經占卜算命、姓名學名字好壞分析
對你了解自己的能力、事業、愛情
或許對你的問題有幫助

一共10000多字，大約A4紙張12頁
網址: http://www.tellyou88.com

有興趣的話
免費算一下八

門在東南, 3, 4 同宮, 本已失令, 今年五黃臨太歲, 如果你本身是犯太歲的話, 真係點做都無乜用。

金木是否交戰, 已不重要。

人, 總有三衰六旺的,仲有幾個月, 捱過就冇事。

GOOD LUCK~~~