我係學校.. 個班無乜朋友.. 有既都係比較幼稚D既朋友.. 例如身高都唔夠1米6- -"
經常係屋企打機 .... 我有時想叫佢地出街佢地又唔會出...佢地個樣又唔係好掂..有少少小學雞既味道.... 我唔知係唔係我太介意個樣?其實我自問真係對樣有少少固執..但我開始唔係幾鍾意佢地. .覺得佢地好低能.. .一番到學起碼花半堂係講打機D野.
Eg.LOL... 佢地上上下堂無拿拿就會係到發癲咁扮D角色人物.. 有時候我覺得佢地唔岩,就好似,,上堂.老師話得佢岩. .佢上上下堂無拿拿又嘈...-我勸佢地話唔好咁,,反而比佢地吊- -"..所以我唔係幾鍾意同佢地挽..但我又被逼..因為我個班我覺得無個正常..其他班就有好多正常...唉~ 我自己可能真係太占介懷依D野..我身高164CM..今年14歲 我好瘦-_-"得40KG (如果可以順便指教埋點樣增肥)
另外...我係到諗自己算唔算成熟..有時人地話我唔岩..我就會聽..人地話我錯..我會接受..但有時難免都會有少少感情用事..但至少都會控制下..同埋我依半年開始覺得讀書既重要...我[BAND3的]有時又會諗到大個之後做咩..前路既野..同埋當屋企人唔係到個時又唔識珍惜個D....有人話我咁諗 就代表成熟..但我唔咁認為係..
每日訓之前..我都會用2分鍾黎諗個一日有咩係做錯..有D咩係錯過,, 我咁諗算唔算大個仔呀...?!!唔該...多謝各位解答..心事Plz...
and then!!!我14歲想做外買..但有無人請?身份證又唔見埋- -"又要保領..我驚佢依排要睇身份證如果做外買...~
我算唔算幼稚,,點樣可以成熟d?
2012-10-27 7:13 am
回答 (2)
2012-10-27 7:41 am
✔ 最佳答案
我都係得廿幾歲, 但係都可以同你分享返少少經驗。我自細都俾人話比較老成, 問D問題、諗D野、同識D朋友都比較成熟,
好多時都覺得自己係識諗野, 會考慮好多大人都未必會諗嘅問題,
同「幼稚」兩個字好難拉得上關係。
但係大左, 睇返以前自己網上寫嘅日記之類, 先發覺自己當時好幼稚。
現時呢個社會, 好少年輕人能夠避免自己想法唔幼稚, 只會比較唔幼稚。
始終人生經驗比較少, 即使我地懂得著眼去考慮一D大問題,
但係好多時年輕人嘅觀點、著眼點都會比較幼稚, 呢個好難避免。
咁係咪即係做咩都冇分別呢?
咁又唔係, 懂得思考、習慣思考會令你比同齡人快成熟。
但有一點, 所謂「學而不思則罔, 思而不學則殆」,
我地除左要思考, 仲要多學習各方面唔同嘅知識。
唔係一定要你好似讀書咁讀, 有時聽下D資訊性節目(網台之類都OK),
增加自己知識面, 就會比較成熟咁考慮問題。
最後, 其實當你諗緊自己係咪幼稚, 係咪大個仔嗰一刻, 已經係一個幼稚嘅想法。
俾D信心自己, 你不過係14歲, 有幾多人到左廿幾三十歲, 想法都係好幼稚,
而你只有14歲, 幼稚先係正常, 要記住你呢一刻嘅幼稚,
將來反而可能成為你人生嘅基礎。
而且, 真正幼稚嘅人係唔會覺得自己幼稚, 既然唔覺就冇得改。
而家你已經開始察覺自己嘅幼稚, 就即係證明你已經漸漸成熟。加油ｗ
參考: 自己經驗
2012-10-27 7:21 am
幾點啦~1.人夾人嫁者,你唔岩傾咪搵過班囉,最緊要你"面皮厚,唔怕羞,有朋友"番學就好好珍惜啦!上堂盡量記多d~十個十個人都會話比你知後梅上堂無聽書!不過你里個時間正常既都係講打機,講異性,講咸濕野多嫁啦!
2.成熟里點好難講,個個人都唔同~你有挫折,有失敗,有做錯事等等既時候,你學識自己搞掂,一點點慢慢就會變得成熟,唔好話你十幾歲~有d人三十幾歲都仲係到.慢慢黎啦~急唔到~
3.你真係好等錢洗!?唔好話我教壞細路,普通料黎者非法勞工,唔驚咪做囉!又唔係做陰質野,比人周到就扮下野通常都唔會渣正黎做.學業要緊牙!唔好做非法野~
ps:過來人
2.成熟里點好難講,個個人都唔同~你有挫折,有失敗,有做錯事等等既時候,你學識自己搞掂,一點點慢慢就會變得成熟,唔好話你十幾歲~有d人三十幾歲都仲係到.慢慢黎啦~急唔到~
3.你真係好等錢洗!?唔好話我教壞細路,普通料黎者非法勞工,唔驚咪做囉!又唔係做陰質野,比人周到就扮下野通常都唔會渣正黎做.學業要緊牙!唔好做非法野~
ps:過來人
收錄日期: 2021-04-13 19:04:38
原文連結 [永久失效]:
https://hk.answers.yahoo.com/question/index?qid=20121026000051KK00663