[ 日文 ]日本留學問題

我啱啱日本留學完返左黎香港, 所以都應該可以俾D意見你。

1. 睇你想搵咩野工。如果係快餐、便利店之類PT, 其實都OK。個問題係佢地其實好驚同外國人溝通唔到, 所以基本日語要真係OK流暢先會比較有優勢。

2. 比較難, 因為留學生有限工作時數, 不過至少可以解決房租。另外, 如果要延長留學VISA, 係要證明你有一個穩定嘅資金來源, 因此你就算有方法自己搵到錢, 都要搵人轉俾你, 做到有人定期俾錢你咁嘅假象, 先會易D延長到個VISA。

3. 睇你做邊行。而最大問題係有冇公司肯幫你申請工作VISA, 唔同行頭都有限額, 唔一定會申請到, 亦唔一定肯幫你申請。

4. 睇你自己表現啦。如果你好似係香港咁, 唔理係邊都大聲講野傾計, 又或者D行為冇顧及人地感受, 自然會俾人歧視, 就正如我地會唔鍾意某D內地人嘅行為。而另一個問題, 係佢地會驚同外國人溝通唔到, 所以如果你好努力咁用日文同佢地講野, 通常佢地都會好友善, 但如果你忽然表明自己係外國人, 又或者講英文, 佢地好多時都會想走開。

5. 我諗都係睇返邊間大學或者專門學校, 你可能都要問返相關人士。

6. 頭先講左喇, 最大問題都係個VISA問題。而且要搵長工都未必咁易, 人地同樣咁價錢, 通常都會想請返日本人, 起碼溝通上唔會有咩問題。便利店我諗9成9都係請PT, 所以唔駛諗, 而飲食業方面冇quota, 亦都可以唔駛諗(太多人過去做飲食啦, 日本政府收緊左上限, 我朋友讀廚都冇得留低)。

我在日本六年了。 請希望以下的回答幫到你。

1.只要你日語能力OK, 搵工好易。

2. 日語唔OK, 可以去做洗碗。帶半年的生活費。之後的5年多都是靠獎學金, 打工的錢去付生活費及學費。 放長假時, 一日打4份工。

3.讀完書, 在東京搵工不難。 大前提是日語能力, 及出身的大學。

4.不會被歧視。

5.讀MUSIC都是看個人的潛質。不用HK認可, 最重要是自己認定自己的能力, 一定會出頭。

6.世界每日變, 到時畢業後, 再PM 出來問下大家意見!

祝你快D可以找到自己的目標!

我亦是幾年前到過日本的，有些分享小小意見la:

(1)若找part time就不困難的，當地好多part time job的，當然基本應對或聽得明白就比較容易及你可選擇的工種會多D，不然就只可做一些體力勞動的job了。你可於網上或街邊免費派發的求職雜誌可以找到。

(2)我當年找到好平的住屋，part time又包車費，我夠交租及日常膳食，若去下旅行OR玩就不行了。

(3)真係睇你讀什麼.

(4)在公眾地方言行小心一點就冇野的，認識你的日本人是不會歧視你的。

(5)OK架，我亞Sir都係日本讀完回來教學生的，佢亦有教在港日本人。

(6)我建議回港工作一,二年工作經驗後再回日本比較好，因佢請得你外國人，梗係有D野要你才做到才請你的。