新人第一日入m記系會做D咩？

講真呀^^m記好搞笑架...如果你係市市正正..靚仔靚女..一定企counter, 你係女仔做多一排會問你轉唔轉做公關咁...做做下你可以提出想學mc cafe

第一日佢會俾個餐牌你...你記下d餐配咩跟咩....早餐同超埴選好易混淆, 通常第一日企汽水位..薯條位...lobby都唔出奇....一係做backup果個...即係counter take完個order你去執野食果個..

經理...組長一定會幫你教你....總之有麻煩客...有唔順利...唔識聽英文...大聲叫經理就得...唔好拖慢運作^^

快則企兩三日可以埋機take order...餐牌唔難記呀...你自己去食都知啦..十個八個餐...幾個兒童餐...kfc難做好多..又多熱野..>.<

個人認為唔企counter係好d架^^一忙客又多...d客又煩...你又收錢收take野食...又問有冇麥樂會...媽咪會...八達通儲分...經理有時又扮野要你三分鐘搞掂個客會好亂架個人....廚房開心d但辛苦d又污漕d^^

唔洗緊張...m記好輕鬆姐...總之唔識唔明唔掂叫經理...
記住有咩唔好同客嘈呀....同埋有禮貌d多笑容..有神秘客人架...你做得好...神秘客人又揀中你...你有獎金(唔知依家有冇哩樣野, 2007年仲有)總之企咩位都上心d有朝氣d定d...客同經理都鍾意你啦..

如果你係男仔就主動d幫經理...阿姐..女仔做粗重野...唔洗下下飛埋去做..適當時候囉...對你自己都好d...

新人第一日入m記系會做D咩


咩都要做