遇到d番學既煩惱...

我今年係中一生 我入左一間直升既中學 所以基本上我呢間中學既學生都係同一間小學升上黎
但我就唔同;我係另一間小學升上去既;
咁就開始左中學生涯...起初以為升上中學就好好..

之後因為冇一個熟識既人入呢間中學;所以都冇乜朋友..
加上..呢到既學生都係一早識晒..同人地都好岩key;就好似一個團體咁 我好難加入到...之後終於識左個朋友 佢幾好人既;同佢冇咩野...

但過左1個月之後...佢真情終於表露左出黎...
佢好鍾意講男仔既野..講粗口...講人壞話..成日都串人..成日又叫我溝仔..之後成日要我陪佢出街...因為我係個唔鍾意講男仔..唔鍾意成日出街..所以就係咁我就覺得同佢既關係越黎越遠...我只可以忍受;因為佢都係比較恐怖既人;佢識一班壞朋友..得罪左佢..我可能會有生命危險;之後佢又好惡..對我好差...

開頭佢都唔係咁既..同我好好;好nice 唔會有以上呢d惡行
加上..佢咁來以黎都冇同我分享過佢既興趣之類既野...一直一直都係咁;完全冇一個岩key既地方..同佢一d都唔夾...其實我仲有1位朋友..但係歌位係我呢位朋友既仇人..所以我根本唔可以同歌位朋友玩...我又唔夠膽同佢講我唔想同佢玩..
我應該點做?
以家搞到日日都冇野傾咁...加上我係一個好內向既人...唔知點同人相處..

呢排同佢關係好差..佢仲冤枉我..又同人講我既壞話..
其實..人地講我壞話..我基本上應該唔會問番佢點解咁話我..因為呢d朋友要黎都罷..又唔係真心...靜係當我係裝飾;陪襯佢...其實佢有好多朋友..有冇我都冇所謂..有時同佢一齊..佢撞到佢best friend;就好似當我透明咁..同佢朋友超開心..無視我..
但因為我比較衝動;一聽到人地話我就好激動..要問番佢點解咁話我..
之後我問番佢..佢咁講既原因係關心我.. 我都知佢講既呢番說話係假話..
但因為我好驚人地針對我..講我壞話..冤枉我..所以一直都唔敢同番佢講我心入面想講既野..一直都好想話番佢..

呢排佢同我個班既人都有時會話我..
又話我呢樣個樣..但佢所講既原因根本就唔關事..
我唔知佢係咪針對我...之後我個班都對我好差..都唔係好熟
因此我感到好孤獨 番學對我黎講好似係一種痛苦

到底我應該點面對呢d事??我唔敢得罪人..