選科問題!(有讀econ和chem既入黎!!!)20點

你好我都係讀緊新高中修讀兩個理科......

上到高中係咪真係好易讀?邊科出路好d?
雖然我唔係讀依科，但我見身邊讀econ的同學朋友都讀得幾辛苦，佢哋話好深好煩，我唔知你話聽人講好易讀係聽邊個講啦，如果係同樣讀緊新高中你的學兄學姐咁我無嘢講，始終每個人的睇法都唔同，可能佢好勁呢，但都唔會易得去邊，如果真係超易就勁多人選依科讀啦，如果係同你同級的同學咁你可以左耳入右耳出啦，因為你都識講依家中三未讀過econ，佢鬼知咁多咩，就算佢話易讀都未必可信。咁你就可能會話，咁講法即係地理應該無econ咁難啦，咁你就錯啦，其實唔止依兩科，所有科目都有各自的難度，你要知道高中無科係比較易，雖然總有易少少的課題部份，但佢哋都有唔同的難處，唔好睇地理好似好易咁，讀落去你就會知咩事，econ就唔洗講啦，所以如果你諗緊揀地理定econ，我覺得你要諗下自己可以接受邊科的難處多D，無論邊科你都要有心理準備愈來愈難。至於出路問題唔可以話邊科出路好D，因為好的定義每個人都唔同，同埋科科都總有出路係好嘅，應該問邊科出路多D較好，如果噝香港依度都唔洗多講緊係econ多D啦，話哂香港係個金融貿易同國際化的城市，讀完econ之後的工作有N個咁廣泛，但唔係話地理無出路，都係果句，其實科科都有各自的出路，只是較多或較少的問題。不過我覺得易唔易讀同出路好 / 多都唔係構成你揀某科的重點，最重要係睇返你自己的興趣能力同大學想讀咩系 / 將來想從事哪份工作做咩職業，就算依科真係有幾易讀但你無興趣都讀唔到落去，就算依科的出路有幾好但你的能力唔噝依度或你的理想唔需要讀依科咁我唔知你揀嚟讀做咩你話係咪先。
上到高中chem係咪好多數計?我maths好差TAT
其實都真係幾多架，計的時候都係背方法步驟果D(同數學差唔多)，你記得又無亂哂而且理解到消化得好都無咩問題架啦，數學差只係會連累你計錯答案架姐(不過依個可能無咩可能發生因為你上到新高中如果讀chem就會知道果D所謂數其實超難心算通常係用計數機，所以你數學有幾差應該都唔會好大影響除非你按錯機我無嘢好講)，如果你真係仍然好驚同擔心的話唔緊要，理科通常有好多poast paper題目無論你勁唔勁亦都要做(老師都會比)，你肯勁做係咁練習的話包你數學差都變得唔差，不過我建議你真係捱得苦願意付出努力同有興趣或將來理想要求讀chem先作考慮。
其實邊科會冇咁多野背?可否講下兩科分別讀d咩和邊科易d?
講真，好多人都以為bio勁多嘢背，chem無咩記只係狂計數，其實我想講兩科都咁鬼多嘢記，我中四年終考試溫習要記的內容都已經寫滿哂四頁A4紙D字密到形容唔到，但這只係chem一年所教的課程仲未計中五同中六已經咁多，bio就唔洗講啦差唔多成本書每個字都背哂入腦，如果真係要問謗科會無咁多嘢背又唔係無得答嘅，當然chem真係比bio少少許嘢背咁啦，不過你要知道佢同bio比較之下先係「無咁多嘢背」但其實佢本身都有好多嘢要記。兩科分別讀D咩就......理科涉及的範疇課題實在好多好廣泛，我又唔想講D唔講D咁，所以我建議你不如去問你校D學兄學姐借依兩科的教科書睇下會比較好，至於邊科易D我上面都有講講的嘢都差唔多。

以上純屬個人愚見，打咗好耐打得好辛苦架，希望依篇字海真係對你有幫助啦！！

其实我都有读econ 同地理
说真的, 如果真的要从两着選的话
那就econ比较好
其实最需要看是师资, 边个教你。
Econ这科是讲你点apply返个题目里面, 明concept会占多优势
不过如果理解能力无gum好的话就建仪你别選了

地理里面失分最多就是map reading,如果考试漏带甚么甚么就哈哈哈了。
通常是讲运气的

2科都有數計....
2科都要背小小野..
2科都有專有名詞..

其實差唔多...
要睇你興趣

我中學係理科..
大學讀經濟都係咁.....一樣