中四畢業去日本留學

因為大部分到日本留學嘅人都係駁上去讀大學或者專門學校,
而以前香港嘅制度好多時都係讀到中五就會想搵地方留學,
因此讀到中五到日本留學係相當制度化。
因為未讀夠12年(6年小學+6年中學),
所以中五生要係日本讀1年大學準備課程, 然後就可以考大學。
但係未到中五嘅話, 就要特例特辦, 要問返日本入國管理局批唔批。
其實個問題唔係間學校收唔收你, 而係日本政府批唔批個VISA俾你,
當然係有成功例子, 但係要個別睇返個個案。

利益申報, 我係新宿日本語學校(SNG)嘅留學生, 啱啱早兩個月先返黎香港。
風評同我自己嘅經驗都覺得呢間學校幾好, 你可以去了解一下。
SNG係喺東京山手線嘅高田馬場站, 交通方便, 而且嗰度外國人多,
啱啱到日本好多野會唔慣, 當地日本人見慣晒外國人, 通常都會幾親切應對。

想問詳情可以去佢地係香港嘅辦事處, SNG寄辦係日經日本語學校,
你過去佐敦分校問一問留學組D人, 相信會答到你嘅疑問。