即將DSE..知自己咩事...
成績唔好，以前好hea...最近先發奮
我估自己英文最多最多2，數學、中文通識都2或2.5升3
修chem和bio，bio估計努力D拎3+ chem又系之前hea，最多拎2
1.re？2.asso？3.內地/台灣大學？4.asso，ive，職業局？
asso。我想讀既系social work...唔怕幸苦。但我唔知若果我真系幸運地拎以上既成績夠唔夠讀到asso之類既課程。
聽人講勤力2年可以搏到學士位？會唔會好難？要求高嗎？
如果re。前一陣同miss講話自己想re多年，但miss話我英文咁最好就讀asso或高級文憑。但如果我re多一年，每日學最少50-200個生字，依家都做緊，識左好多生字覺得好有滿足感。。識認，部分識讀.一個月3000x5=15000半年。咁既話追唔追到英文拎3或4？bio我覺得1年內拎3-4好簡單...chem沒信心 這樣搏學士或內地有名D既社會學系得唔得？ 如果只系搏asso再搏上學士呢？
看到其他人都pre緊去台灣、內地讀大學，但系我無知讀完拎住張畢業紙有沒用...同埋台灣大學要拘滿hk6年先得？幾時要申請？我成績咁差得唔得？我差几個月先夠6年得唔得...大概3-4個月。
又言念言念下...如果讀完D內地/台灣大學拎住張野揾既工總低過我直接去職業局讀建造業之類的課程出黎萬7以上（雖然幸苦，但讀唔到書預左）既話...我比成10几萬蚊讀黎做咩？？
本人傾向活得有意義，唔做錢奴。有萬3至萬7到又做社工的話我會好快樂...
Thank for you attention，and i waiting your reply comment
F.6唔知自己點好
2012-10-21 10:05 am
回答 (1)
2012-10-23 7:50 pm
✔ 最佳答案
我係第一屆考生,而家讀緊ASSO... 其實你仲有幾個月,有得搏就搏啦. RETAKE既話,睇你差幾多科唔夠高LV,如果差1,2科,而你有信心既話,就RETAKE啦.
如果想入較好既幾間asso,都要有幾科3幾科2先比你入. 全2就唔得啦. 不過我見你對bio有信心,應該冇問題既. asso升大學當然係難,睇你入邊間同邊科啦. 就算你有心讀都會有種心理壓力,因為升唔到既話就算唔曬時間都曬左幾萬蚊.
至於你話識生字,當然對英文有幫助. 但dse考你既係skills,所以你唔係單靠識生字就升到lv. 要再加上自己既方法訓練自己既聽說讀寫.
你入唔到8大走去內地/台灣大學既話,咁佢地既質素一定低過八大. 而家一般八大既fresh gra既月薪都係1萬左右,你讀完出來低過1萬7好正常. 所以一般人都唔會去讀.
依你既情況睇,睇下邊度既社會學系asso/hd岩你自己啦. 最好選IVE hd啦,因為實用性較高,就算搏唔上u應該都做到下野既. 普遍在香港LIKE U GRD,接下來就係IVE生. asso升唔上去真係... 你應該知asso有6成通識野,得4成實用野. hd就相反. 我諗住駁唔上u既話去你所講既建造業做or考pc. 讀ASSO其實唔係一無是處既,人際關係,表達能力都係對投身社會既人重要既. 最大問題係不受各界認可.
希望幫到你=]
2012-10-23 14:46:39 補充：
ENGINE. DSE我全理科. 除左MATH 4之外其他3. 通識得個2. 見ENGINE升學率比其他科高,咪選佢.
面試大概都係講點解你想讀果科,表現真誠就得啦..
當然係在大學附屬院舍裏上堂.小心唔好中伏就得啦. 好似嶺南ASSO咁就唔掂啦.
學習氣氛一般. 我唔覺我果度有好多爛泥. 至少冇走堂,有D齊齊搶答問題搏攞分TIM.
果堆人本身都係FRD, 做PROJECT佢地會一齊. 咁你應該大概會知會遇到咩問題... 呢D都要考慮下既.
如果你自問可以適應ASSO既模式就去讀啦. 如果唔係就IVE HD啦.我有D FRD成績唔差選擇去讀IVE HD. 最重要係你選到一個岩自己既課程.
2012-10-23 14:46:45 補充：
去建造業->讀左其他真係走投無路先選啦.
男仔去讀護士->你真係想做護士就去讀啦
臺大->唔係唔得,但要考慮清楚你係咪真係想讀同埋課程既認受性.
參考: my experience
收錄日期: 2021-04-13 19:04:28
原文連結 [永久失效]:
https://hk.answers.yahoo.com/question/index?qid=20121021000051KK00047