小小籃球技術問題~

首先...打波唔係鬥快而係鬥入波....
所以如果要係跑得快同射得准我一定係揀後者...
1)易d過人其實某程度上係要fake到人做錯既判斷...
無錯速度係可以壓過人上籃....但係我會覺得只用速度既人唔夠有技術既人勁...
所謂既技術就係要fake人同要識收放速度...
你下下都用100%速度就算盯人守唔到你...聯防都好易封到你上籃...
所以你要練既除左係跑快d...更重要既係要多d睇防守者既站位同反應...
當然呢d要打好多場波先會感受到...
如果你對住防守者有身高優勢..當然可以射波...不過唔好齋射...
多d試下配合背籃...轉身...pump fake...jab step一兩下先射...
其實咁樣就算本身唔快...只要練到呢幾樣假動作流暢d...就會有多d空位射波...
2)唔好練air alert!!!!!!!!!
如果你會做健身練膝頭肌肉就試下練啦...
我練過幾個禮拜...膝頭會好痛...唔敢再練...
好多人話練完air alert就跳唔到...好彩好之後無練...
因為佢太多跳既動作膝頭會好大負荷...
air alert有幾組動作係無跳或者唔使全力跳...果幾個可以練下...
至少唔會跳完膝頭壞左...再加無影凳練大腿....就會有成效...
成效一定無air alert咁誇張...但至少安全d...
(重有...未高完唔好綁鉛袋...會無得高)
3)呢樣一家係要練多d...假動作要流暢...(姐係快)一定係要練...
可以首先自己一個係球場練...唔使人防守...純粹練個動作流暢度...
然後先試下鬥波用其中一兩種你已經順手既...
例如pump fake+帶橫一步射...轉身+ jump shot...
最後先係混合晒所有假動作..利用防守者既站位同反應決定用咩假動作...

希望打咁大段文字會幫到你^^

你好!

打籃球係需要你投入落場波當中,其實高矮都唔緊要,

最緊要有無比個心落去打波,因為有陣時我都好難過到人

咁就睇下你自己係岩射定係走籃,若然選擇投射,咁你就要訓練你D射術

但係你要知道你的身體比佢地高,咁就緊係走籃會好D啦,

但係你打波的時候,一開始都會覺得自己無咁勁,我都有時覺得自己都唔係好勁,

但係你自己要一步一步黎,同樣,速度都係要自己慢慢訓練架

希望幫到你