佢對我係咪有意思?

我今年讀F.4 男性
有兩年同佢同班F.1同F.3
F.1岩岩上中學,唔係同佢好熟,但日子耐左,慢慢有一兩句傾下,多數係閑話,冇咩特別

F.2我同佢分左唔同的班,我2b佢2a,班房鄰近,有好多成日企係走廊睇人打籃球(包括我),每當佢走過我附近,總係走過黎整下我,met下我手臂同臉,我認為冇乜所謂咪比佢met唔理佢囉,當中都有傾一兩句,這狀況每日都有直至學期完

﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉﹉

F.3我今年同佢調番同一班,但今年的班房位置與其他班很遠,近乎係東南和西南方向,我們的走廊望出去的係一片郊野,而我成日都走出去睇風景,風雨不改,之後頭2個月隔2,3日就問我企係到做咩,我答睇風景,傾左兩句之後番左入去,而我繼續睇,之後過左2個月,我依然出去睇風景,之後佢黎問我風景有咩望,我答望風景可以令我諗起D野,佢問諗起a牙(a係我一個鐘意左5年的女仔),我問唔知呢?之後當然都有傾下閑計。(a係比我D小學同學周圍講佢先知)

之後有一次va堂,做畫作,我坐佢對面,我地兩個都做唔哂,結果要放學留低做,我同佢並肩而坐,佢唔同佢啲fd坐,坐左係我隔離,我同佢坐得好貼,手臂貼手臂,大腿貼大腿,頭仲有少少靠住我博頭,我當時唔知講D咩好,啞口無言,繼續我有我畫佢有佢畫,咁岩我畫的係一對相愛的卡通狗情侶,中間有紅色大心心,跟住佢同我講話一人填一半...填完之後

佢問左我一個問題,佢問「你係咪仲鐘意緊a」,我答「仲有少少」,佢問「都咁耐啦,放棄啦」,我答「唉,總之好難啦」,之後佢好細聲講左一句「再係咁我會傷心架」(我都唔知會唔會聽錯),因為聽唔清楚我帶笑卻無言,之後佢叫我比電話號碼佢,之後仲問我得唔得閑,話想我倍佢出街,我答得閑,之後繼續做,做完臨走時,佢有幾個fd走過黎同我講「以後靠你照顧佢啦」。我聽到的時候只表現這表情「=o=?」,然後番左屋企

之後一個星期後,佢打比我約我,仲叫我規劃去邊。

先唔講約會去成點,以上咁ge情況,佢係咪對我有意思?