同bf一齊之後既問題

施主 , 妳明白左一個重點===「係咪所謂我只係愛上左我幻想中既佢呢」...
首先 , 呢個情況幾乎個個人都會中過招 , 問題係觀點與角度...
而且 , 妳自己察覺到「冇我想像中咁成熟」嘅時候就正明呢個人唔係妳杯茶...
但事實上 , 有D人係會有對外同對內完全相反嘅性格 , 而問題都一樣係觀點與角度...
或者我想問一下妳 , 對妳而言 , 成熟嘅定義係咩呢?
請唔好誤會 , 我唔係要評價妳嘅觀點 , 而係要提出一個問題 : 請問 , 妳認為妳發出呢個問題是否一個成熟嘅行動?
其實 , 觀點人人不同 , 妳將呢個我問嘅問題抄低 , 1個月後再答一次 , 一年之後又答一次 , 十年後又答一次 , 如果答案變或者不變等於D咩? 就係等於妳成長緊...
妳要用幾多時間等一個人成長到妳要求嘅程度? 又或者到時妳要嘅又會唔會係呢樣野呢?
感情淡左係可以重燃 , 性格不合可以磨合 , 問題係只有「心理否定」會影響妳嘅思想行為...
簡言之 , 妳E家接受唔到佢係因為某個妳自己單方面嘅想法問題 , 咁妳認為咩做法先係最好? 其實分手又好等又好甚至向對方提出要求都好 , 感情就係冇得夾硬黎 , 雙方真係無辦法磨合就應該好好分開 , 要明白磨合唔係單方面一個人去做嘅事 , 如果妳打算珍惜佢就要比對方知道原因...
至於妳話佢愈鐘意妳反而愈不安 , 其實反映妳內心響緊警號 ,「因為佢變左」呢點不斷係妳內心放大緊 , 所以好正常會有不安 , 正如剛才講 , 妳未磨又點合呢??

當然妳呢個情況我比較建議分開一下 , 響哂鐘嘅時候勉強去磨多數反效果機會好大...所以記住有問題要盡快面對 , 而唔係累積到失控先黎拆招 , 當買個教訓啦...

2012-10-14 03:47:57 補充：
咁做當然比較好......不過.......
「佢好快應承左」...大概係佢都好識唸...總知無論係好係壞都係日久見人心, 妳會學得懂「戀愛」呢科, 不過係考完DSE之後...祝妳能夠好好享受戀愛呢份驚險嘅甜品!

你地平時番學見唔見到先?
我覺得如果番學日日都見到1,2個月先所謂出一次街都接受到,
不過如果真係完全唔見咁樣個幾2個月先見一次咁真係太少。


1->明明係我鍾意佢先, 點解後來我發現佢好似更鍾意我會令我覺得不安呢?
首先我唔知點解你會覺得佢更鐘意你喇, 佢只係向你表白姐...............


2->仲有我都鍾意佢差唔多2年啦, 點解反而一齊左之後我對佢既感覺會咁快淡呢? 係咪所謂我只係愛上左我幻想中既佢呢?
呢個我覺得一定會, 如果你唔係好認識呢個人再同佢一齊, 個感覺係完全唔同的。
即使你以為你自己好認識佢之後先一齊, 都會有同一個感覺。因為你永遠都會更認識一個人。

3->我仲有種感覺, 係咪人好多時得唔到既野就會好想得到, 得到左反而冇咁珍惜呢?定話我根本未準備好同佢一齊?
呢個一定係, 可能呢D就係人GE佔有慾, 未得到GE野就一定會好想得到。得到左無咁珍惜呢個就睇人。有D人話男仔追你戈時就好好好好, 之後就會唔理你, 因為佢地ENJOY追女仔個過程, 鐘意挑戰難度, 我唔知你係咪。

你應該是鍾意幻想中的佢, 我想佢外表應該不差, 正如很多人, 憑明星外表, 往往幻想佢是自己心目中的理想情人, 什麼也是好的, 理想化.
現在你已是中六, 或許現在才剛開始, 比大家一個冷靜期, 過了大學入學試後才與他重新開始