今年16歲 係男仔 無讀書 生活好唔開心

你提到自己好似係自閉咁
但我好欣賞你願意有勇氣po文喎
係網上 對人個種唔自然感覺會點架?
或者網上打字 唔識講/打既情況會同面對面會有唔同嘛?

你留意到自己笑既次數
對於自己笑唔笑個敏感度都好高呢!
睇到你好想自己會開心D 生活精彩D呢?

過去既傷痛留左俾自己 而唔想人地知道
會係因為呢個傷痛令到自己咁嘛~?

而家無讀書~ 咁唔知你會做D咩呢~?
不如咁吖~ 如果你都想搵人傾下
歡迎你add我msn/facebook: [email protected]

吾好甘啦, 我可以同你做朋友牙!

如果你願意既, 歡迎你係我個人資料到加我MSN=]

一齊傾下計牙=]

多出去外面走走，去球場與人一同打打球，流流汗，心情會開心一點。
或者，參加一些義工活動，做一些對社會有付出的意義事情，就會覺得自己是有能力付出的，自己是很重要的。
還有，你身邊還有一群愛你的家人啊~有不開心要與他們聊聊天，找個時間跟家人爬各山，呼吸新鮮空氣。
讓自己的心情寬心一點，慢慢再找出自己的目標，一步一步來，不用心急。
加油!!要相信自己!!!

其實你好偉大的.
我們一開始未出世既時候,所有技能係自由分配,交友技能呀,讀書技能等等
資源有限,如果一個人拿得太多交友技能既話,其他人就會少D朋友.
所以我們捨棄了交友技能,為的是希望其他人可以獲得更多,更快樂
你不覺得通常所有不幸都同樣在同一個人身上?一個人樣子醜,通常體能差,少朋友,沒自信,但共通的是有一點,佢地其實都好好人!痛苦也好,孤單也好,既然我們沒有這樣的交友技能,咪用真心打動人,我們天生就有這樣既能力架.我們既默默付出會得到回報架,加油,支持你

你今年至十六歲。今日起，的起心肝做人，仍未為晚。首先，你要明白：即使你可以長靠家人支持生活，但一定不可靠一世。你有責任自已開創自己的人生。要在社會謀生及發展理想的生活，你要有同人溝通的能力，學習的能力，你自己要有毅力，你要思考如何至可以憑能力，努力，智力賺到報酬，可以不必求人而開始自由生活。
我建議你首先要擺脫逃避現實的懦弱思想，不要樣樣都藉口有自閉而放棄奮發做人的雄心。当你日比一日進步，你的智力体力行動力都越來越強，你做人的信心就越強。当你貯到第一個一萬。第一次賺到十萬。銀行存款達一百萬。想你謙遜啲都好難。如你死蛇難鱔咁餐揾餐食餐餐清，你要唔低聲下氣做人都幾難。
首先，去職業訓練局睇下，自己可以投身边一瓣。去建築業訓練局睇下做測量學徒，做扎鐵，學職安，你如真心學，必可過関。任何一味都可發展為终身工作目標。我親眼見到一位掘地劳工，勤奮工作。只在荃灣中心一帶炒樓花。穫利後買一些貴價樓收租。不幾年手上資產己逾數億元。佢不靠人。只一心努力工作。跟住一位當红判頭。日日有工開。老婆仔女有飯開。有積蓄就買樓花。好簡單。勤有功。日子有功。盲字唔識多一個。佢只抱住[揾生活]三個字。搞掂。香港就係咁幸福。唔駛人介绍。勤勞做人。劉德華就証明咗，努力可以創造一切。你有權同一切人一樣。創造快樂豐足人生。只要你唔好咁軟弱成目匿埋認做自卑，逃避工作。祝福你。唔好坐失青春。早啲起步早啲發。千祈唔好又求家人節衣缩食供你讀補習班。唔好混吉。唔好迴避逃避。企起身開步做人啦！你有生活就有佳人賞識你。你認真做人。自然可以结交一班勤懇向上，認真做人的好朋友。自然有一圈好友支持你協助你爱護你。咁嘅生活真係好精彩架！你，上啦。日日唉嘆，無用架！

答:每日朝早對鏡子笑一次.幾秒都OK.但一定要笑.唔好覺得自己笑得好樣衰.或者覺得好白痴而唔做.雖然係好白痴-3-
之後就諗今日會係開心既一天OR心情好好等.總之正面既野啦.
跟住落黎你就會有個心理作用覺得個人心情真係好左.
不過個效果就真係因人而異,我自己試過就好掂(P.S我係女.唔知男女會唔會有分別= =)

令外個人建議:你話你怕人.咁你就要搵出怕人既原因啦.(我有段時間都係咁)



或者你可以加我MSN傾下.希望可以幫到你.
[email protected]

你要開心或者快樂，係視乎你能付出多少，相反如果你只管需索，你就愈不快樂，如果你自問無慾無求，但你卻分毫沒有付出，你仍不能開心。你有手有腳，有頭有面，你無需有大智慧，你都可以幫助到比你條件更差的人，你無需返學，無需搵工，仍有飯食，你大把時間，可以參與義工訓練，見識多階層人士，去附近醫院登記義工吧。

1要知你不嬲都怕識朋友,定係發生咗D事先係咁...如果發生咗D事,可能要見心理醫生.我之前睇過本書,1個心理醫生寫,佢叫人畫表,你究竟點解唔想做一樣嘢,例如識朋友,要數做呢樣嘢嘅全部優點+缺點,數完之後,要寫有幾%想做.每次發生呢件事就畫呢個表,但最重要係你有幾需要做,又有幾想做,唔想做唔好勉強,但如果開始發覺,你係唔想做,但做好過唔做,係好需要做嘅,咁你慢慢開始,逐小逐小咁做,例如執房,一日執少少,咁識朋友方面,你係中學生,就搵以前小學同學,本身都識,個人好嘅,但同你唔熟嘅.如果你地有好關係,就可以推動你去識其他新嘅人.
2笑係令人開心,所以你有冇朋友,都要笑,睇下笑片,講+聽爛GAG.
3識朋友係會開心嘅.但寫BLOG/睇書(漫畫/任何種類)/聽歌/聽電台/睇戲/同屋企人傾偈...我自己有聽電台,同1個台聽咗10幾年(香港電台第2台,網上有直播+重溫http://www.rthk.org.hk/),有唔開心都會同D DJ講.你覺得自己生活悶,就自然唔開心+笑唔出,咁要多D入人地嘅世界.做以上嘅嘢,就可以入人地嘅心情/世界

P.S香港電台非商業機構,唔算賣廣告,請勿舉報,謝