應該點樣幫人補習? 第一次幫人補 補中五

我都係一個補習老師, 補左有3年啦, 我諗我可以俾少少意見您:

(1) 其實響上堂之前, 如果您有學生聯絡方法, 最好先打聲招呼, 再問一下學生本身有冇諗住想點補, 有冇以前d試卷可以俾您睇, 同埋佢自己有冇exercise, 使唔使您自己準備。如果學生想您準備練習, 其實您仲可以問問學生, 不如幫佢買一本練習, 叫佢俾番錢您, 因為咁樣可以唔使用您ge錢。但如果要您準備(影印/print) ge話, 您可以先問問佢有冇邊個topic特別唔識, 咁您就可以預備果d練習。如果您準備練習ge時間唔夠, 您可以同佢講番您第一堂可能未預備到練習俾佢, 因為未知佢ge情況, 第二堂可以俾番佢。最好叫學生搵定以前d試卷/學校練習俾您睇, 一黎您可以知道佢程度, 二黎可以搵到佢唔明ge地方, 一開始教左佢唔明ge野先。

(2) 如上面所講, 第一堂我建議您叫佢俾d卷您睇, 睇下佢有咩唔明, 如果有唔明就同佢講番d concept先, 講完俾幾條相關練習佢做。如果佢本身冇野唔明可以直接同佢做淺ge exercise, 逐題同佢一齊做, 做錯即刻教番d concept, 如果淺ge佢已經識左就做深d ge, 如此類推。以中五而言, 其實多數都係教同做練習一半一半的。當然, 學生未必好清楚自己需要咩, 您要自己上堂ge時候, 判斷學生係唔明定係唔熟, 唔明就教多d, 唔熟就做多d。另外, 第一堂我建議您同學生交換電話(如未交換), 同埋您記住帶埋學歷證明, 另外可以上完堂ge時候同學生/學生家長傾下第二堂開始補習ge模式(例如下次會教邊課/做邊d練習)同埋收費安排, 對您最好我諗當然係每堂即日出糧, 您可以同佢地傾傾。

(3) 佢讀中文ge, 英文當然唔arm用, 但我想知您而家讀緊邊間大學? 其實有d大學會有中學練習響圖書館, 可以俾您影印, 例如中大崇基圖書館, 其他大學間間唔同, 最好問番您自己d師兄/姐(當然您同我講番我都可以答到您), 咁您就可以影番俾佢。當然影印都幾重成本, 我建議您每次印10頁以下, 將兩頁縮印做一頁(您唔識可以問其他用影印機ge人/圖書館職員, 佢地應該會教您) 但係, 萬一唔好彩, 您間U冇呢d練習, 您可以自己上網搵d練習, 自己整番一份出黎, 然後去print, 上網其實有唔少咁ge練習, 例如您去google打"中五經濟練習", 您就會搵到唔少相關資料
(e.g. http://www.wcbss.edu.hk/subjects/econ/F5/F5_Econ/F5_Exam_Practice_2-a.pdf), 您copy落黎就可以, 當然您可以自己修改一下先俾學生做。另外, 順帶一提, 您最好發掘下您間學校有冇地方印野平ge, 其實如果您自己準備練習去print ge話, 您可以試下去book公共圖書館d電腦, 果度有得print野(記住自己帶白紙), 如果您將個文件save做.doc, 改個文件名做一個管理員覺得您係自己整ge野, e.g. "閱讀報告", 您係可以自己入紙落printer印野, 唔使錢的! 當然, 您要早d book, 唔係好易冇位~

我暫時諗到咁多, 希望幫到您!

2012-10-07 01:38:36 補充：
仲有, 我諗您暫時唔需要俾pastpaper佢做住, 我建議學生升F.6先做的, 如果您真係長補, 您F.5做晒d past paper, F.6就會冇野做的了...... F.5一般而言其實書+一至兩本練習會好夠。另外, 唔記得講, 如果學生自己一d練習都冇, 我建議您準備一下, 因為有d學校會做書, 到時您發現冇野好教, 但書d練習又做晒果時, 係有可能補唔到個半鐘... 但萬一真係發生左, 您可以同學生講教定下一課, 當然您要確保自己熟...

2012-10-07 01:41:12 補充：
如果可以, 最好留番d功課俾佢, 叫佢下一堂俾您睇(您要有心理準備, 好多時d學生都會唔記得/懶所以唔做...) 數量唔好太多, 一般黎講mc10條到, long question 2-3條(除非您個學生係超勤力...)

我而家係中6, 都有個大學畢業冇耐ge私人補習

1.補前準備D咩? 除左備課洗吾洗預備定D EX?
根據我果個補習老師, 佢就冇預備d咩 notes, 不過會比我做下d佢網上搵到ge 會考passpaper. 同埋會教我學校ge書

2.第一堂有冇咩特別野做/注意?
你可以問下佢主要有d咩唔識想你教, 如果佢話冇, 咁你可以搵d你覺得深d ge課題黎教佢

3.中5應該比D EX佢堂上做好定主要同佢講CONCEPT好?
2樣野最好balance, 你叫佢番屋企做晒d ex, 番黎對果陣睇佢邊d錯就教番佢, 有時間就教concept

4.我洗吾洗提供NOTES/EX? 定用佢個D呢?
根據我果個補習老師, 佢係教我學校ge書

5. 我洗吾洗買D 中文既EX影比佢?
你可以上網搵d岩佢宜家進度ge passpaper比佢做