同男朋友一直以來存在既問題

我覺得你男友有少少似我早年嘅影子，亦覺得你男友嘅情況我似曾相識。你試睇下我有幾多講得中。

照我估計，你男友應該內心有好沉重嘅自卑心結。佢未必會表現得自卑，甚至乎可能有咁上下自信，但重點係喺佢心底有個心結，而且係一個對佢自我形象好有影響嘅心結。嗰樣野可能佢無能力改變，或者盡左力都無法子改變，只能夠默默忍受，直至客觀條件許可為止。佢可能已經將全副精神都放左喺抗衡佢嗰個心結上面，已經無餘力去應酬人。可能佢唔係唔想信人或者唔想同人建立關係，但係佢個心結令佢覺得，佢同出面嘅人係兩個世界嘅人，始終有個無形隔膜，佢無法子去完全當無事。

我講多兩個故事畀你聽。我有個朋友叫 Iris，佢天資聰穎，家境亦唔太差，可惜父母漸漸變成雜物狂，放到全屋都無空間行。佢好憎恨佢間屋，佢用盡所有方法都無法子勸服佢父母改善。但佢學生時代嗰陣重未有能力搬出，只能一直忍受。每日佢就喺嗰間畸型嘅屋度生活，忍受一個差過貧民窟同籠屋嘅環境同焗促感。佢覺得自己好似來自一個好荒謬好污糟好畸怪嘅地方，覺得同佢地人有無形隔膜。佢每日喺屋企吸埋好多負能量，出到外面嗰個光明、企理、正常嘅世界嗰時，要透夠氣吸返啲正能量先可以心理平衡返，亦已經無餘力再應酬人。就咁佢摺埋左幾年，完全麻木狀，無哂感情好似機械人，直至佢終於自立遷出同有自己事業，先過返正常嘅社交生活。

我另外有個朋友，佢係性治療師。佢有個男病人，每同伴侶有咁上下親密，就會突然剎停，匿返入自己個世界裡面，覺得好缺乏安全感，中間完全無先兆，出人意表。佢自己都唔知點解會有咁嘅感覺，解釋唔到自己行為。後來性治療師循循善誘令佢講出以往經歷，先發覺原來佢自幼喪父，佢阿媽獨守空房，竟然喺同佢沖涼嗰時性侵犯佢，一直持續到佢十六歲。佢每次有親密關係，就算唔回想返佢媽當年點對佢，都會不自覺咁湧然嗰種抗拒嘅感覺。呢樣野一直刻喺佢心中，令佢覺得自己好污穢，再親再愛嘅人，都無向佢地提起過。性治療師花左好長時間，先慢慢將佢呢種感覺消除，令佢重新將戀愛同返浪漫、正面嘅感覺正常咁掛勾。


你應該早已經明白你男友嘅情況，並唔單純只係一般嘅性格上嘅內向。佢唔信人，佢唔畀人進入佢內心，佢將自己鎖埋喺一個孤僻封閉嘅世界裡面。佢一定有一個相當嚴重嘅問題，先令佢依家咁。並且佢一定好渴望擺脫佢嘅困境，但佢一來覺得無人明白佢，二來覺得即使你明白佢，可以幫到嘅都有限。依家為左佢同你嘅幸福，基本上你終歸只有兩條路可以行。

一、設法令佢向你打開心窗，等佢將內心最深切嘅恐懼同痛苦都向你吐露。然後你盡全力將佢從黑暗中拯救出來，你需要有非凡嘅意志、付出同主動力，先可以做到。箇中你唔可以再當自己係一名女孩，你要用成熟女人嘅細心同韌力去成全呢樣壯舉。並且你亦唔可以再遷就佢，包括事先得佢批准先打電話畀佢，而一定要強力積極咁干預、插手同做野，先有機會救出佢；因為佢自己喺嗰個困境係完全郁唔到，可以郁嘅話佢都一早已經郁左啦。成功的話，你會得到一個應該呢世都唔會離開你嘅男人，因為係你令佢重生。

二、認識到你實在無能力去拯救佢，你就算再喺佢身邊，都的確幫唔到佢。咁嘅話，與其繼續互相折磨，不如將獨處嘅自由還返畀佢，默默祝福佢可以搵到幫助佢嘅貴人，或者終有一日可以憑一己之力脫困。

呢樣野，視乎你愛佢有幾深，救佢嘅意志有幾強，願意為佢犧牲幾多。你亦可以先試一試，去到無路可走、盡哂全力都救佢唔到嘅地步先放棄。或者你可以去嘗試，直至你覺得已經超出你值得付出嘅限度為止再放棄。有所犧牲嘅係你自己，只有你先有資格做呢個決定。

您好
我想您明白...
溝通是要雙方的,如果他唔肯打開心屝,無論您做任何嘢都冇用~_~

我的建議是...
-->您比個限期自己
在這限期裏盡能力去常試打開他的心,如果限期後都不成功,您就要放棄~_~
-->寫封信給他~
您可以將想對他講的說話、您難受的感覺全部寫在信裏再交給他~看他會不會有所改善。

交朋友最重要係互相尊重。如果你感覺對方己經無咗誠意。最好自己亦收手。不要自作多情。使自己在單戀。你要記住，如果對方叫你簽賣身契幫佢撲五萬应急。你又死笨簽咗。佢即刻失踪而你被賣入人肉市場。日日俾人乱姦侮辱。到你還清債務時。你有何感想？悔，恨？你既健康呢？家人所受傷害幾咁大？為甚麼？只為你死蠢，以為自己只能愛此種爱情騙子。自卑，怕揾唔到好嘅更好嘅男朋友。我抱歉如此率直对你。我只係非常之唔想你俾人吊吊下胃口。壞主意越來越多你都承受。咁，你愛乜嘢呢。你衹是渴望交到一個可以傾心事談理想嘅異性朋友。好多办法噃。例如参加童軍民安隊聖约翰救傷隊。各種義務工作。男女有溝通自然有交流自然會成為朋友。你請再不要花心思依恋此一位青年。你要有尊嚴做人。要有自信。人生大道可交的朋友多的是！切不可死缠此無誠意之人。佢扭你開房玩變態的性遊戯，你咪仲衰多幾分？做人，唔怕識錯人。最惨係笨到唔識鬆人。祝福你讀完此文，能冷静想下自己在找尋甚麽。自己的尊嚴，理想同自己現時的想法是不是過於幼稚和單纯。你一定可以找到可託付终身的人！你要有自信。

傻婆,佢擺到明想鬆手啦,男人鍾意一種人與物.想盡快據為己有,呢樣係本能,天生的,

Time to say goodbye, the puppy love is over, don't worry, you will find someone care and love you better. After you graduated from University, and go to work in the real world, you will find more interesting people and more loving men out there. Be yourself, don't beg for love, its no use.

你copy呢篇野俾佢睇啦 = =

我覺得你都係親自打個電話俾你BF,傾下你地之間D問題...
如果佢仲係係度HEA講,廢嗡的話,就下定決心同佢講分手...
P.S. 我覺得佢既然咁唔重視你的話,呢個BF都唔值得你煩惱囉!!!

2012-10-03 21:10:14 補充：
如果佢話好忙,你就話勁重要,講main point,話最多俾1,2日時間佢諗清諗楚.