好煩惱呀!! 請入來!!

9 月 10 號 果日我家姐個手肘撞倒我, 跟住我鬧佢, 跟住我家姐就走去報警, (當時真係乜野打鬥都冇發生過既) (係佢冇事就走去報警), 佢仲呃個警察話我唔舒服,叫救護車來 搞到果日六個防捕隊,拎哂盾牌走哂上我屋企,連救護車都黎埋,上到黎之後我同個警察講番, 係乜野打鬥都冇發生過既, 係我鬧佢幾句跟住佢就走去報警, 跟住我家姐想屈我有病,就同個警察講話我 08年有個見心理醫生既 appointment 冇去到, 仲 show 左份文件俾個警察睇, 跟住又同個警察講話我刮花個門 (其實係果日佢鬧我八婆,跟住我刮番個八婆字落去佢個房門到鬧番佢,跟住我係咁貼 d 野上去遮住,佢又甩哂,我貼 d 貼紙上去佢遮住佢都甩走哂, 我想刪走個字先至刮花左), 佢想屈我有病當然冇講清楚件事, 佢淨係同個警察講話我刮花道門, 之後我唔知佢同警察講左 d 咩啦, 應該都係話我有病果 d , 跟住個警察就叫哂我地三個 (即我,亞媽,家姐) 去睇心理醫生 警察用左佢地果架救護車車哂我地三個去左瑪麗醫院,之後佢兩個同我登記左,佢地自己又唔登記喎! 跟住我亞媽同我家姐就甲埋一齊黎向個精神科醫生面前講大話強硬屈我話我有精神病, (因為平時佢地鬧我,跟住我又鬧返佢地)果個醫生又好舞斷咁樣又淨係聽哂佢兩個講,又唔問返我果件事究竟係點, 因為果時我地見醫生係分開見,我果時都唔知會咁,(其實我係冇病既), 之後個醫生就強逼要我留院觀察, 囚禁住我向瑪麗醫院個精神科果一層, 我真係好慘,冇啦啦俾人囚禁左我成日,搞到我連學都冇得返, 果晚連飯都冇得食, 個醫生仲開左粒鎮靜劑俾我食, 果粒藥有肌肉鬆弛既工效, 係我唔想食既,係個護士長強逼我食,不過只係食左一粒,我其實真係好擔心果粒藥會對我有壞影響,佢地仲逼我向個姑娘面前除衫,話睇下我有冇傷口喎!之後我等左好耐等左大約 19個鍾頭後,即第二日下午大約四點我見左另外兩個比之前那個更高級的精神科醫生, 個醫生先至放番我出院, 當然個醫生都有見我亞媽亞爸,但第二日我家姐唔向度,我亞媽因為講野好大聲,我果日企向出面門口都聽倒佢講左好多大話黎屈我有病,好彩佢唔成功,因為我有同個醫生解釋番, 個醫生都有話要我出院後再覆診小女子真係俾佢兩個害到好慘呀!! 冇啦啦俾人囚禁左成日, 24小時, 入邊仲唔比打電話,我入院就連我所有既財物都全部拎走哂,果到入院同坐監冇分別嫁!!!我其實真係好擔心好擔心果一粒鎮靜劑(有肌肉鬆弛既工效) 會對我有壞影響, 我唔想肌肉鬆弛呀!!! 有個醫生好似話粒藥一個鍾頭後就冇哂藥力, 但我都係唔放心..我仲 check 過粒藥向禁毒處個網被例為毒品.我真係哭左好耐,哭到眼都腫埋!!! 有冇人可以幫我報仇?搵律師告佢,跟住自己申請法援都要錢. 唉!我真係好嬲!!!好想報仇!!!同警察講佢地又唔受理~有冇人可以幫我報仇?