我係咪有D問題??

係咁既...我係女仔，我而家小學5年級，係我3年級果陣，我係參加學校既乒乓球班時左
個女仔，佢大我1年，我地好好傾，好快就做左好朋友（係好好果隻）。

到左我4年級時（佢5年級），因為我地係學校既乒乓球校隊，要出去比賽，所以1星期要練3曰波，唔知點解我覺得可以成曰見到佢，就覺得好開心。

比賽完左之後，仲可以參加乒乓球班丶練習下，1星期打2次波，我參加左，但係佢話唔參加，果陣時，我覺得好唔開心，因為見唔到佢。
但係最後佢話唔甘心輸俾我地成班隊員，所以參加返，我就好開心。

而家我5年級，我有繼續參加乒乓球班，我自己都唔知我參加乒乓球班係想見佢定係鍾意打波，但係我都想見佢，同佢傾計。當然，我仲係鍾意打波。

我有時仲諗，到左我6年級時，佢上左中學，到時我咪見唔到佢？諗諗下，又會有D唔開心。

我既問題：

1：我係因為想同佢傾下計，所以佢話唔參加，我就唔開心，定係因為我冇乜朋友係乒乓球隊？

2：我係咪有D變態？竟然想個女仔唔好走。

3：我覺得自己好恐怖，我係咪同性戀？

4：有冇人可以話我知，咁既情況，我應該點好？