死啦！我唔小心將我地公司個買入價畀咗個客！

係琴日朝早e-mail附件嚟，excel。一打開個sheet係我想畀佢嗰個，但另外一個sheet就有我地公司個買入價！個e-mail有6個人收到，3個自己公司+3個個客間公司。至我收工都無人講，好平靜。
每一分每一秒，都好難過。我個腦成日出現一個畫面，就係個客幾個人係度研究個sheet。一有人叫我，一電話響，我就好驚。個腦就會出現一句「咦—你—send—出—去—個—fi—le…」(你砸死我吧！)
希望無人睇到。希望月底我地公司啲人都好忙，無睇另一個sheet，希望放完假返嚟都無睇，希望個客啲廠琴日都好忙睇唔到，放完假咁多e-mail，無時間睇！總之，所有人都睇唔到！
且慢，我啲同事會唔會已經睇到，只不過係太忙，等放完假先講？又或者個客會唔會打電話畀我個拍檔講「你個同事send出嚟個file…」
我知道我應該跟上司講，但我冇勇氣。今次已經係我喺呢個公司10個月2次SEND錯附件。上次係SEND錯PO畀供應商，所以一定要同上司講，要再SEND。但今次唔同…
我啲同事都好好人，特別係我個拍檔。琴日，佢仲提醒我！好溫暖呀！更加覺得對唔住佢地。
我發覺我喺同人接觸方面真係好有問題。我記得我上司話過我，太緊張，試下放開自己。心想，做唔到的。唔知點解呢，總之做唔到。
琴晚，喺sogo見到兩個服務員好小心咁執緊d玻璃製品。如果係我做，一定唔知會打爛幾多件。如果我係一個地盤佬，一定晨早死咗。如果我係一個司機，一定搞到交通大癱瘓。好失敗！我想買兇殺死自己！
P.S.我琴日係著一件愛協GE衫。我發覺我一著佢啲衫，就有唔好GE嘢發生。最嚴重一次係月底CLOSING，無消到數。搞我上司畀人罵。係連累其他人畀人罵！當然，其實我唔信邪！