英國的讀書生活

做人就放鬆d啦,去到新環境就當然會不安,畢竟你唔係一直係英國生活嘛.
朋友當然係要識番黎嫁啦.你成日都係d同學仔面前唔聲唔聲咁,佢地一黎唔知你諗緊咩,二黎佢地見你唔多開心都唔太想同你做朋友啦(你要明白,外國人都係好活潑,會成日笑既人,in fact,比著你係香港見到有個人成日都唔開心,又唔出聲,你會唔會真係咁想同果個人做朋友先?)
另外,我唔知你間學校有冇華人啦,有既你都可以同佢地做朋友先,起碼叫做同聲同氣嘛,冇都唔緊要.外國人你咪同佢地間中傾2句,可以以你平日生活既所見所聞(飲食,家人,港人既生活習慣,化妝品,流行時裝,前一晚做過d咩呀)做話題..始終,"出外靠朋友"呢句說話係冇講錯既..你都唔想去到外國生活,一個朋友都識唔到咁慘嫁..話哂你未來幾年都對住佢地(d同學仔),有咩事都可以搵佢地幫手...
老師日日面對住咁多人,佢都好難下下都take care你嫁,最重要係你要懂得"如何enjoy你目前的生活",佢的確係幫唔到你d咩,因為你願唔願意識人,肯唔肯同其他人熟絡呢d野係好個人既(或者佢都理解你有思鄉既問題,但係真係幫你唔到)
喊係冇用,要識得獨立,你唔諗香港既野,你又點會想喊,思鄉我理解,但係其實係英國生活都會幾開心嫁,諗下去到summer/新年,有好多shopping mall既野大減價,平到冇人信,可以學楂車四處玩,空氣又好,住間屋又大過香港,仲要夏天都唔會熱到流汗,一放假又放得耐.果陣先諗下番黎香港見見屋企人啦:)
番香港="孤付"父母對你既心意,學樓上講,你離開佢地,去到咁遠,你估佢地唔心痛嫁,,佢地狠不得想馬上飛去探你啦.但係機票又貴,冇咁既閒錢,都唔敢咁做啦.坐飛機去喎.都辛苦過人,十三粒鐘喎,屁股都坐到麻痺啦.....
仲有,如果你宜家仲唔走去訓教,第日就冇心機上堂,英國天氣凍啦.著多件衫!
後生仔女,就放鬆d啦.又唔係7老80,怕咩識唔到朋友,係英國大把野俾你開眼界.洗乜喊,傻豬黎嫁~~~~~哈哈

你父母其實一樣都咁傷心、傷痛，但係為左你的學業成續，他們忍痛要你去英國讀書其實係為左你前途好的，你亦要明白你的父母，堅強起來，亦係要為左你的父母的心血。

而你其實不用那麼傷心，你先開左兩個月學，點會0甘快識到人？找朋友可以慢慢黎啦。英國的教書制度比香港好好多，係你只要肯學，成績一定可以好的。頭個幾個月係好唔習慣，尤其學習英文，但過多一陣，你會慢慢就慣，連發夢都係講英文的。

其實係外國生活係種好唔同體驗，係香港體驗唔到。以前有人幫你做飯、洗衣服、照顧生活所需，你現在就明白原來的生活有人為了你去做的一切唔係應該，好多樣都要由頭學過哂。沒有父母管束，你亦可增加你對英國的認識，好多人想去都去唔到，你應該珍惜機會。

我都曾經去過英國，我起初都不習慣，但慢慢鍾意上英國，一讀就七年，讀完大學，現在在香港我不時都很懷念當時的生活。

你可以試當地教會問問，找找看有沒有跟你差不多的香港人，可以亙相照顧。