急!急!急!以我ge成績入5入聖保祿(LamTin)?

藍田聖保祿應該唔係好難入~
我記得當年（大約3年前）自行分配學位好似只不過係6個人爭1個位~
聽落好似都唔少咁，不過我宜家讀緊果間好似係11個人爭1個位~
通常d名校都會有好多人報，競爭好激烈~
所以6個唔算多~但我宜家就唔知仲係咪6~
你50/104其實真係有d難入~如果自行分配機會就真系好微~
因為好似已經係band2黎~
不過都要睇下你間小學勁唔勁ge~如果你間小學係名校，機會就大d~
如果中央派位，只要你之後追翻，只要平均係band1就有機會抽~
所以唔使驚~都系睇下你有無彩數~~

我可以老實講你聽~你P.5報分試失手，影響真係好大~
因為d學校面試淨係會睇第1同2次ge呈分試成績~唔會睇第3次~
你失手就已經無咗一半~
但我諗如果你之後果次考到頭3都有少少機會ge~
同埋有d學校係會睇埋你P.5 d校內成績，即係上下學期都考慮~
有d甚至會睇埋P.4下學期，
所以如果你之前成績好，藍田聖保祿又考慮ge話機會就大好多~
我諗你有信心之後考到頭3，之前d成績應該都唔差~
但如果佢唔睇ge話，我建議你都係唔好博
除非你間小學好勁，而你又有十足信心之後可以考到頭3~
咁我就建議你去試下~~

Q：系5系一定可以去左面試先,5岩先5收架?
自行分配係一定要面試ge~
至於佢收唔收你，你係唔會知，要去到放榜先知~
佢收你，放榜果陣就會顯示你獲派ge學校係佢，
第1志願唔收，就去第2志願，都唔收，就去中央派位甲部（跨區），
跨區抽唔中，就去區內~
所以如果你真系好中意藍田聖保祿，跨區就填佢，
雖然果d得幾個位~
其實我覺得你問呢條問題有d怪~你報咗唔去面試咪嘥咗個機會咯?

至於你d課外活動，P.1-2係完全唔睇ge~
淨系睇P.4-6或者P.5-6~
你可以將你P.4-6/P.5-6 ge獎狀用clear folder根據年級裝好曬~
裝埋成績表~作為profolio~（你老師遲d一定會教你地整！）
但都有d學校叫你淨係交限定幾張最好ge獎狀
你朗誦同basketball有無攞獎呀？有攞獎應該有得加少少分~
義工一般都唔會太重，因為唔算係課外活動或者特殊技能~
通常d學校比較著重music同sport~因為有獎攞~可以幫學校爭光~
藍田聖保祿都係天主教~你信都會有少少分~~

面試表現都會計分~遲d學校就一定會有訓練~d英文一定要講得好d~

不過講到底，d學校都係睇成績收人~d課外活動/宗教/面試都唔會計得幾多分~
除非真系有一個領域係好突出，成日攞好多全港性ge獎~

Q：面試要準備d咩？
頭先講咗要有profolio，通常第1頁就係個人資料，然後係成績表同獎狀~
但有d學校唔使~填表ge同時交埋成績表同獎狀ge副本就得~
推薦信就唔使~
記住要校服呀~頭呀~要整齊！行為舉止要大體，要有禮貌~唔好有小動作（拉襪、撥頭髮果d），唔好比人覺得你好緊張~要同面試者有眼神接觸~英文要流利~最好上網揾下有咩常見題目，練習下~不過面試你唔使擔心，學校一定會教~同埋有d學校唔會太著重面試~主要都係睇成績~

最後，加油！希望你考到心儀學校！

我老實啲同你講吧,聖保祿是一班強人讀的,所以要求好高, 就你的個案來看你之前考中間.估計是BAND 2中,就算你六年班第一次考得好,計算後都唔一定可以升到BAND 1,當然也有升到BAND 1的可能性, 跟住就未等到最後一次程分試就要去自選學校進行第一次面試,因為通常去得的學生都會是二次程分試都是BAND 1, 所以你在交表格時就算你升上了BAND 1都已經比人差了(因為學校會要求你連五年班及六年班上學期的成績表一齊交給學校).

另外,在面試時會要考啲嘢,一般是先讀一篇中文,和英文(有啲重要你計數),然後就是對答,BAND 1通常用英文,或加普通話, 問的問題冇得背, 而家唔會問你自我介召咁簡單.

由前年開始,所有中學都唔收學校推廌信,你比佢收到都唔會理,不過你話識神父又唔同,如果個神父識聖保祿個校長肯同佢推介你又唔同晒.

我以上的資料是對一般唔多出名的小學來做評估,有啲出名小學就算全級考尾二十都是BAND 1生,所以你唔好灰心, 點都要盡力, 因為你重有第三次程分試可以計.

假如你第三次呈分試都考得好好,升到上BAND 1, 咁在總一試位上就可以簡你最想入的中學,由於這次是總一派位,冇分BAND 1頭或BAND 1尾,最緊要你好彩,咁嘜學校都得,

祝你好運.