唉.....我真係冇朋友

我個人的性格十分被動, 很內向o既人泥
不善於同人去交際,又唔多中意講o野
講野又冇咩幽默感,同我相處過o既人都覺得我悶同埋無聊
所以一直以來我系一個冇咩朋友o既人
由於我個人真系冇o咩朋友
我參加過幾次活動想認識下其他人,例如去下船p丫,camp,學會等等,想擴闊自己的朋友圈子
奈何我次次去到我系一個冇乜存在感o既人,成日都比人忽略,
每次我參與活動都很難融入其中
因為我係被動慢熱的人要好長時間先可以同人熟
對於活動岩岩識o既人,我一向都係等人同我講野,
我先至同佢地講下野同埋唔會講太多野
人地一開始對我太熱情我就會愈唔想去理佢,因為人地熱情係甘講野,我就要係甘比回應
我本身係一個少言的人,我好唔中意同呢類多o野講的人接觸,我會覺得好煩

由於我性格太慢熱,我覺得什麼聯宜交際活動係唔岩我,因為我係一個少野講,唔多主動o既人

此外,返學由於要分組做下project,一定要同幾個同學一組做project,
我係一個好靜既人,但做project一定要同組員溝通個project點做,之後大家去食飯
食飯傾project以外的話題,佢講果d我冇興趣,我講果d佢又冇興趣
大家好似除左讀書話題就冇其他話題甘=_=所以都好難做得成朋友

我無論去到邊都同人融入唔到, 因為我不善交際
而且係一個好少會笑的人
人地同我講笑話我會覺得佢地好無聊,更本笑唔出
但我又要虛假地笑作回應,並不會真心地笑出來
我唔想做一個虛假的自己,扮到好多野講,扮到好風趣,扮下笑甘

就連岩岩識我o既人都幾了解我的性格,佢話我係比較靜,幾自閉o既人
我係基於少o野講的原因,我通常都會對識左冇耐唔熟的人唔會講太多野
我要熟左先多o野講的人來
我有好幾次下定決心要改變自己,想多d o野講,係甘迫自己同人講多d野
但係過一陣 我又變到少講野,甚至唔想講野
先發現自己本身的性格係少講野, 迫自己多d野講更本唔係做緊真正的自己

再者,好似之前幾個月o既大日子咁,生日既時候我搵人去,d人都係搵藉口推左我
真正肯同我慶祝生日差不多年年都係果班好朋友幫我慶祝
因此,我發覺自己真係冇咩真心朋友
反而,玩樂的朋友就一大批,
一有事想你幫先搵你,平時都唔會傾下計
對我而言,這些並不是我真正的朋友
我是一個不善交際,很難交到朋友的人
我係一個好需要朋友的人,在於我的性格及心理上影響所以好難識到朋友(異性真係少)
我應該點做?