一個女仔影相時攬住個男仔手臂影相

1)如果佢係未拍拖既話／佢本身份人熱情啲開放啲冇咩所謂的話，攬住個男仔手臂影相都幾常見 好多外國女仔都係咁影相

2)一二個月先見一次面．．．講真．．．比著係我一定維持唔到呢段感情
時間過得耐感情會淡，加上一個月先見得一次面．．．我會覺得好陌生
正你ｗｈａｔｓａｐｐ同ｓｍｓ係溝通唔到架

３）我唔係好明你每個月俾錢佢同埋第三者有咩關係，不過有第三者呢個可能性


只係個人意見～

很多時候，人都會被自己的想法所侷限
這時，你應該要用新的角度去思考
這樣問題才能解決

因為很多問題起因
都是因為不了解自己所產生

推薦你這個東方玄學的免費算命網站

網址:http://www.tellyou88.com

可以免費算：紫微斗數、姓名學、易經占卜

可以了解你的問題
並且得到解答

誠心的推薦給你 !!

1) 女仔同個男仔影相攬住手臂, 其實冇乜大不了, 如果大家都仲係單身, 不過, 如果你5 中意佢對其他男仔都咁熱情, 你可以同佢傾傾

2) 1 至2 個月先見1 次確實少左D, 但係佢對你ge 態度就知佢仲愛5 愛你拉, 你有時都要增取同佢相處ge 時間架, 例如約佢食早餐, 午餐, 晚餐都可以, 盡量抽多D 時間拍下拖拉

3) 我5 明你點解要比錢佢lor , 佢5 夠錢洗咩? 佢又5 係你老婆, 你仲咩比錢佢呀? 佢同你拍拖又為咩先? 錢呀??

最後, 你冇証據証明你女友有第3 者, 你地不如多D 溝通, 總好過終日 "疑神疑鬼"

首先我想問你，你究竟希望從你段「戀人關係」中得著啲咩？

你係想有個女仔全心全意愛你，無條件同你共同計劃將來，互相享受排他的感情生活、提供感情上的能量同支援
定係純粹想有個女仔插下，為你性生活提供滿足，唔介意畀錢
還是想求其只要有個女仔肯名義上承認係你女友，令你對自己社交圈子有個交代，人有我有，咁就算數，寧願畀錢去買呢段名義上既感情？

一句講哂，如果你係想佢全心全意愛你，無條件一齊計劃將來，做一對正常戀人；你畀錢佢呢個動作就已經違反左呢個原意，將佢既愛變成有條件。既然有條件，成件事就等於一場交易。問心，你咁都係想用錢箍住佢，你覺得單憑你個人既魅力無法令佢對你無條件留戀，你先咁做。如果唔係咁，而只係你想幫輕佢之類，或者佢真係經濟有困難；咁你大可以借畀佢丫，又或叫佢領社會濟助、只向佢提供柴木油鹽、或三餐一宿都得；但一畀錢明顯就已經完全係另一回事。
講到尾，佢又唔係你老婆，你無義務畀錢佢，而你未婚就已自我割讓權利，只為爭取佢既愛，我真係唔明你點同自己交代。你可能睇唔起啲食軟飯既男人，但至少佢地有本事令個女人養佢，至少個女人覺得貼錢養佢都係值得；而你就相反，你覺得自己唔值得，除錢之外都無乜是處，咁無自信既男人，你覺得女人點睇佢？你唔問你個個月畀錢佢，重算唔算正常戀人所為；反而只問一兩個月見一次算唔算正常戀人所為，你係咪問錯問題？

OK，既然以上都討論左，成件事只係一場交易，站在你立場，我相信個交易既底線係，佢一頭兩個月都唔睬你都得，但唔可以有第三者。（其實都已經好得意，你貼哂錢畀佢，只換來佢每一兩月見你一次，我唔明你究竟從呢段咁既關係有咩得著，但可能你覺得好有著數啦。）而個情況係依家你懷疑佢已經破壞左你既交易底線。咁既情況下，你當然絕對有權利，作為無明文交易既付款方，向佢提出交涉，表明你既立場，要求佢尊重你地既交易底線，否則就會撤離是次交易甚至提出追討。你自己單方面去懷疑，又有乜用。你履唔履行自己既交易權利，終歸係你自己決定。