如何變令仔/man d~~急~~(15點)

首先，呢個世界上冇醜人，只有懶人，呢一句說話完全正確。男仔最重要系要乾乾淨淨，咁女仔就會覺得你比人感覺舒服。
另外，系打扮方面，髮型同衣著非常重要。如果你額頭唔靚，就剪留海。髮型對面形好重要，所以我建議你去間好D既salon剪頭髮。
衣著方面，你可以留意最近流行D咩。因為唔知道你身形所以唔可以針對講你應該著咩，如果對fashion冇咩認識，你可以買多D唔會退流行既shirt。當然款式唔好太一樣(例如全部都系白色shirt就太悶啦)。另外特別既T shirt都好ok。修身剪裁既褲都好百搭。最近卡其色好hit。黎緊秋冬可以著D比較深色既衫，鞋可以選擇皮靴or休閒鞋等等。你出街個陣留意下多數靚仔點著，亦可以留意雜誌，久而久之你會培養到多D fashion sense。
化妝方面，我覺得可以適當咁遮瑕，例如毛孔或者暗瘡。但系妝絕對要薄，最好好次冇化妝咁。護膚系好重要既一步，如果你化妝但唔護膚會令你D皮膚變得好差。所以洗臉之後要用化妝水保濕同用乳液。當然你要根據自己既膚質選擇護膚品啦。
最後，有禮貌既男人會加好多分。女仔會注意細節，例如你成日都會講唔該，唔緊要，早晨之類，好令人對你印象好好。

想man d 咪練d肌肉囉！
想靚仔咪去整容囉！