想做sm 練習生 代朋友問

你好呀！！等得我解答你既問題啦 ^^

1)你位朋友16歲，其實如果相比起韓國既練習生已經遲左好多起步。不過只要努力都可以。

2)跳舞雖然只係學左一個月，低但係起碼都有簡單既底子，你可以同你位朋友講，上youtube搵d教跳舞既影片，可以幫助到，不過一定要有恆心。
如果唱歌方面幾好既話，就係呢方面加培訓練。
冇學過樂器都唔緊要既。不過韓文最好學返少少，例打招呼簡單既生活上既韓文。
身高方面都ok，不過身份對於入唔入到都好少有影響既。你位朋友仲有機會架，只要你位朋友肯每一日抽少少時間黎練下舞同唱歌。

3)你呢條問題其實都幾空範。做sm練習生都唔係一件易事，不過每一年sm都會舉行好多既選拔比賽，不過都只係限於韓國，所以你位朋友都有困難。
sm每年都會舉行既比賽：Starlight Casting System、SM Entertainment青少年Best選拔大會等等

4)其實你除左寄之外，你可以叫你位朋友將自己唱歌同跳舞既影片放上SM既email，而且最好唔只寄一次，要寄好多次，因為如果只係寄一次可能對方唔會理會，因為一日裡面唔知有幾人會send自己既影片上去，所以一定要寄多d，不過當然唔可以重複啦，寄得多咁樣d人就有可能會留意到，比人睇得出你位朋友有誠意。

5)續上題。你可以唔洗寄去韓國。得對方留意到你，肯同你有接觸，你再寄自己既野去韓國都得。

6)你係拍係sm訓練既已經出道左既歌手？其實當中既前SJ成員韓庚同張力尹都係成功既例子，而且佢地兩位雖然冇再係韓國演出，但係佢地而家係中國依然很受歡迎。

7)其實JYP同YG都係好講實力。不過，你要記得一點，任何一位去得做練習生就一定要付出很大既努力，如果連最基本既努力都唔肯付出既話，就唔好浪費時間。
所以你位朋友唔一定共係考慮SM，都可以亡選擇JYP同YG。除此之外，而家韓國有好多公司既水準都好好架，而且而家出道既組合都好有水準，所以人都可以考慮下其他公司。

8)之前有一個大型比賽都黎過香港選拔，不過已經完左了。而且呢個比賽得返最近兩場，不過係係日本同越南，而且日期都已經定左係9月18同19日，我諗你位朋友都冇辦法係短短幾日準備好去比賽。
不過都唔洗咁灰心，其實我岩岩都講過啦，只要肯努力既話，就一定會有回報，你多D自己一個人練習，為日後而準備，寄多D影片去唔同既公司，就總有一日會成功架。

好啦，講左咁多，其實大多數都係自己既意見，你可以唔理我既意見。不過我有一句說話想同你位朋友講：記得做任何事都當係冇Take 2，做每一件事都全力以赴，用盡自己100%既力去，咁樣做人就唔會有遺憾。

你個朋友即係你囉^^