咁大個人~都唔識做人~

我細個時候唔想讀書,就出黎做野,試過做sales,美容,salon等等~
後來因為等錢用,走去做酒吧,結果一做就做左好幾年,
我知道唔可以做酒吧做到老,而且飲酒令我身體好差,但要生活..

我冇交心朋友~而且人際關係好差,可能我唔識說話,
我唔中意一大班朋友一齊玩,食飯,我怕人地唔知點樣睇我~
唔知點解我除左同男朋友或者屋企人一齊之外其他既都覺得係應酬~
有時我想自己合群一d,所以放工同同事去食野,同朋友去玩,
我覺得好辛苦,好似返工咁~

我好怕人地唔中意我,要克意去形合人地,但我又怕人地話我刷鞋,博fd~
男朋友同我講~叫我做返自己,唔洗改變自己去就人...
但我真係唔明~可以嗎~?
我知道有人既地方一定有是非~但是非真係好可怕~返工一有咩唔開心,
成日想著果件事,
果晚我會成晚訓唔到覺,腦海不斷重複又重複,又會哭,又會嬲~
人地一句說話,一個動作我會林,佢係唔係話我,唔中意我呢~
之後會亂林野,咩都林一餐
我經常提自己"認真就輸,唔洗太在意",但我做唔到~
明明討厭某人,但又要自己討好佢地,想佢地對我冇敵意~

我二十幾歲,同我同年紀的人都識去處理,
什至有d人面對是非就好似呼吸一樣咁簡單~
其實我唔中意見人,多人既地方我會好唔自然~但我既工作就係對好多人,
所以我想飲酒,令自己放鬆~

每間公司,有咩唔開心,我就唔想做~想轉過第二間,但轉多幾次,仍然係咁,
我唔識去解決,去放鬆自己,控制自己個腦唔去林,亦搞唔到自己情緒
我唔想轉行,怕自己更加唔識去控制和處理,
但又好予盾~想自己身體好d,可以同屋企人,男友交代既工作~

我冇同我屋企人講我做酒吧,我怕佢地擔心我,接受唔到~佢地算鍚我,
每次問我返工返成點(我呃佢地做其他工作),我好大壓力,
經常係佢地面前哭,(本身都眼淺)佢地緊張我,問我發生咩事,
我有跟他們提及我怕同人相處等等~佢地安慰我之後建議我去睇心理e生

唔知點解由幾時開始發覺自己連見到屋企人都唔自然~有種好奇怪既感覺~
最可以做返自己就係我對男友~可能係因為同居~

多謝你地肯睇我打咁大篇野~我唔知可以同邊個講~男友都唔識安慰我~
我係唔係真係需要去睇心理e生~我唔知點算好~
有冇人可以比d意見我丫~