社交焦慮症影響左我既人生

我係男仔黎 而家20歲 其實我發覺我 10幾歲已經有社交焦慮症 不過都係上年先去睇
我係去政府醫院睇 佢都係比D藥我食 而且每次睇完下次再睇既日子只會愈拖愈大 ,我食左咁耐藥都唔覺得有用(係復蘇藥) 所以已經冇再睇

我讀到中5(未會考已經冇讀) 之後人地介紹左份工未我,係物流黎 我都做左2年

先講講我既病先 其實我一出世就去左麻麻度住 到我小學個陣 就返左屋企住 不過個陣我好唔鐘意屋企同好怕老豆老母 未係佢地度住個陣我好肥好活潑 去左佢地度住就瘦哂 係因為以前媽咪成日打我 同埋我覺得都老豆好惡 好喇 講返返小學個度 其實我返學都唔聲5聲 冇咩朋友 不過冇咩特別 直到5年班個陣 我鐘意左一個女仔 我仲寫左封情信比佢,,但佢係小息個陣當眾係全班同學面前到讀仲要撕爛佢... 之後有次 我覺得個鼻好痕去抓 佢就話我係鼻屎仔 搞到全級都知,, D人都遠離我 自從個件事之後 我記得我所有既體育堂都冇上, 只係坐係度 因為我成日體育堂都扮頭暈 同老師講我身體唔好 唔做得運動 所以導致我打籃球 踢波乜都唔識 我仲好記得我小學既時候一次同朋友出街都未試過 我以前好怕我老豆 因為我覺得佢眼神成日啤住我 當屋企有左電腦時(電腦係廳) 每次我玩緊電腦個陣.老豆訓醒開房門出黎個陣,.唔G點解我好驚 我覺得我好似做左虧心事咁(EG 上淫網)但明明冇做過 所以由細到大到而家..我都好怕係街見到差人 我明明自己冇做錯野 但我都可以驚到抖唔到氣 我對我老豆既印象都係佢成日叫我落街買野食. 但其實我好怕同好唔鐘意落街 因為以前阿媽成日去街邊買D假名牌既衫比我 我一落街成日都怕撞到小學D同學 怕佢地覺得我樣衰 唔識著衫 所以我記得我成日兜D少人D既路行 同埋我會一路行 一路係咁望前望後 周圍望 有時會驚到行快D返屋企 我覺得個陣老豆成日買奶茶 有好幾次我唔小心係街倒瀉左 我驚到即刻去用自己錢買返但唔敢同佢講怕佢鬧 我記得以前我成個怪人咁 我成日無啦啦不停眨眼 歪頸 吸鼻、咧嘴(應該係抽動症)但係屋企人覺得我係專登 成日每次我有動作就兜把星我 經過所有事後 我做咩都好介意人點睇.好怕比人留意住同埋做好多野都會焦慮 乜都唔識.搞到我個人好蠢
到左中學 中一個陣 我個陣已經唔識同人相處 但係因為抽動症既影響 我成日比人當傻仔咁笑 成日比人蝦 但唔敢出聲 仲好記得之後我編左同一個我地班好黑人憎既女仔坐 D人叫佢鼻屎妹坐 我只係有時會同佢講2句 見佢咁慘關心下佢, 就比人又話我係鼻屎仔
我地2個都不斷比人排斥 所有既分組活動都冇人肯同我一組 之後講到體育堂.. 因為我小學既影響 而且又咩運動都唔識 又好怕學 所以我最驚上體育堂 我記得我成日扮唔舒服入護理室 又試過早退 我連D籃球考試 我寧願分都唔要 都唔想比人見到我既醜態
自由活動時間我都係坐係度 試過有一次 阿SIR迫我打籃球 我當住咁多人面前差D驚到賴尿
升到中2 日子都是如此 導致成績下降 所以留班了 但是 因為這次留班 令我改變了人生
我認識到幾個真心好友 由其是一位男同學令我由黑暗走向光明 儘管認識到幾位朋友 但都沒有改變我心中的恐懼 朋友們都好幾次約我出街 但我都沒有去 除非著校服 因為我個陣真係冇衫 得D所謂既假名牌 好怕比人笑 所以都推了 我最FD的朋友 他很喜歡去機鋪玩賽車 經常約我但我都沒有去 因為我超超超怕 成日覺得人地留意住我 所以到現在為此 我只入過去但未玩過
到左中5 因為屋企同情緒問題 我退了學 之後的日子都是每天都打機 直到有朋友介紹一份NEWAY水吧給我 竟然見工成功 我返左3日 發覺 我真係好有問題 我記得我係咁比人話廢柴 基本我上我根本記唔到野 做野超郎背 人又冇力 我發覺我好難吸收到人地講咩 而且我記咁多野人好混亂 能力很有限 所以就冇做 當時覺得前路一片黑暗 到了又有朋友介紹第二返工比我 物流.做倉 本來都覺得自己做5到 但係做左一排發覺都OK 可能因為唔洗招呼街人 全部都係上左年紀既牙姐 就係間唔中有幾個後生仔 暑假會好多 而且有很疼惜我的人在 所以做左2年 但就係因為依返工 我先發覺問題所在 我先去睇精神科 因為我發覺我做乜都成日都覺得人地留意我咁 有時人地講緊是非 都覺得人地講緊我 而且我成日覺得自己做錯野

(字數太多,下面補充繼續答)