✔ 最佳答案
手提電腦的ram一般都可以自行升級,只有少數將ram直接焊接,無法改。
但由於位置有限,只有兩條ram槽,例如本身4GB係2GB+2GB,自行升級只能另購兩條4GB,其實並不化算,因為很多時商舖做優惠時已加送。自行升級後舊的又不值錢。
當然如果跟機係4gb一條,自行加一條十分容易,也不當成升級。
CPU升級一般都係花錢多而提升少。一來因為舊cpu只會浪費掉,二來fsb等都無法改變。單單cpu升級對整體效能也不會一步登天。舉例現時i3和i5的notebook差價約800元,但你自行花800元不可能購買一粒i5。而且cpu鏍絲可能有貼label,拆開可能冇保。
打開notebook的ram槽一般很易,只要兩口鏍絲,有部份會在keyboard下面,換cpu則不那麼易,而且亦可能有label貼住鏍絲位。
不同機種拆機其實很多方法,有些拆開機底鏍絲就得,不過更多會拆面拆keyboard先,你咁問好難答你。
如果你有型號,可以到網上找一找,流行的機種都有人示範。hp等機直情有埋自家出的maintenance冊子,話咁易。