急問! 唔知係咪拍賣遇到騙子! 請幫幫忙!

我擺左幾本書上拍賣網去賣，擺左一日有個買家發問，同我講佢要去旅行，希望去旅行之後可以同我交收，問我交收時間同地點，仲留左email俾我私下聯絡佢。我回覆左佢之後，佢再問我每本單賣幾錢，我答左佢，仲同佢講有幾本有瑕疵。之後佢好快就再覆我email話，想我寄去外國（我本身已經寫明唔寄去外國），叫我俾銀行戶口資料同名等等佢，佢話希望個流程係：首先佢經銀行send封email俾我確認佢俾錢（其實呢度我唔係好明…），之後我就去寄ems，寄完俾返件貨o既no.佢，佢確認左我寄出之後就會叫銀行過d錢俾我。佢仲話佢預算係1000hkd以上，但其實我賣o個幾本書，有兩本絕版，其餘幾本香港都有得賣，仲有幾本係花左，而我同佢講有幾本花左，佢都好似唔係好關心咁，而我賣個價錢只係每本比香港賣平20hkd，但我check過寄去佢講個地址，1kg要成150hkd。

而家我仲未覆佢email，因為睇到呢度就覺得好奇怪，明明一開頭問我交收地點，後來又話寄…好似呃人咁！我亦唔信有人願意俾咁多錢買o個幾本書。我係咪因為回覆佢，話唔寄去外國比較好？