紅滿和摩利大肚，我應該點做?

!,因為品種唔同,大約十零廿日左右啦,
2,雌魚肚好大,肛門會突出,
3,黑摩利,珍珠摩利,紅滿,藍滿,鴛鴦滿,米奇,紅劍,青劍,孔雀,等等都是胎生的,
4,所有胎生魚都需要雌雄混養交配才能夠受孕,大肚之後就唔需要雄魚一齊了,
5,將大肚魚另養,放多d茜草,等魚仔出世躲藏,唔容易被魚媽食番,生完就大細魚分開養,

胎生的魚通常雌雄魚一齊養,雄魚就會追著雌魚交配的,你在看見雌魚開始大肚時,便要把大肚魚隔離,否則在雌魚生產時,其他魚會在旁邊等待吃魚仔,甚至於咬破生產中的雌魚肚皮,令雌魚死亡!

2012-09-17 11:59:35 補充：
1,每一種魚懷孕時間唔同,有d快有d耐,大肚隔離之後盡量唔好騒擾,等佢安靜d就無題無問的!
2,最好真正水草啦,要枝葉細密叢生那些,好像菊花茜,羅漢茜之類浮在水中就ok啦!

2012-09-17 12:21:22 補充：
補充,大肚魚最好準備另一個魚缸讓它安靜生產,生產完搬走雌魚,就留下魚仔在缸中養,如果你本來有細密叢生的假草都可以,但大葉的水草無用.
其實養胎生魚都好好玩,因為有時不同魚種混合會產生混血的新品種,好像黑摩利同紅劍混血產生黑尾劍,好像米奇其實是不同的小型滿混血品種,不同顏色的孔雀混合,更產生七彩繽紛的新品種!

2012-09-19 09:40:18 補充：
魚仔食量好少,可以將細粒魚糧研碎來餵,千祈唔好俾太多,食唔晒搞濁d水呀!
保持安靜,最好有打氣讓氧氣溶入水中,暫時盡量唔好換水打擾,等一兩星期魚仔大d才換水!

2012-09-19 09:49:05 補充：
魚媽媽會生好多魚仔,有時要兩三日先生晒,等生完就捉開魚媽媽啦!
還有,魚仔要大dd才可以食豐年蝦卵!