點解D人咁緊張d自己notes？

我之前同某個人一齊坐，我地都ok friend~
佢平時上堂會好勤力咁抄notes，我都會，但無佢抄得咁快，
同埋我有時會發下白日夢咁，所以有時上堂我會睇下佢抄咗D咩，
如果見係重點就會寫翻低（因為佢乜都抄，所以抄ge唔一定係重點）
但我每次望過去佢都遮遮掩掩咁，好似唔想比我睇咁，
跟住佢就話我好恐怖，成日無啦啦伸個頭埋去望佢，
我當初真係以為佢淨係唔想我無啦啦伸個頭埋去，
所以我就落堂之後光明正大咁問佢借黎睇，我之後先知原來果個係藉口黎，
佢根本就唔想比我睇佢D notes，所以之後我就無再睇佢D notes

我以為佢淨係捍衛自己job果D notes，
點知有1日老師叫我地做research但我唔記得咗，我見佢有做就問佢借黎睇下，
但佢第一次就話陣間比我，
第二次就喺一疊紙度扮揾翻果份野，
但我明明見佢成疊都係果份research

我以為淨係得佢係咁，點知之後調咗位，我坐咗喺我喺學校入面最熟個friend前面，
我以為佢唔會係咁，以為佢見我係friend會比我睇，
而且佢仲成日主張互愛互助，
點知佢又係咁，我想問佢借黎睇下，
就死都“妗”埋本notebook先，或者用紙遮住D notes

當然，我知道佢地唔中意人地睇佢地D notes之後就唔會再睇佢地D notes，
會勤力D專心D自己job notes，
但問題係點解佢地要咁介意人地睇自己D notes？
我自己喺某d堂都會job好多notes，都會有人問我借notes，
甚至有時佢地2個（頭先我講果2個friend）
都會因為比賽skip堂或者請病假無返學問我借notes，
每次有人問我借，我都會義無反顧咁成本notebook或者書咁比人，
所以我完全唔明白究竟點解佢地咁介意，原因究竟係咩？
同埋究竟佢地係咩心態？
D notes真係咁重要？