我女友跟男人走了

分手後的一個月我再跟她講的內容 :

有D野我知道我唔講我係唔會舒服,請妳認真看一看,平心靜氣的看一看.我知道我一值以黎係乜野角色,但我好想去愛妳,鍚妳,我做甘多野無非想妳愛我多一些,我希望妳真係會慢慢會愛我,希望妳會改變,性格,態度.我知道妳好心急想結婚,我亦好想同你結婚,但你知唔知道結婚要兩個彼此真心相愛真心會關心對方先會有將來,先會有幸福.同你去完旅行返黎,其實旅行果D時間我已經好想同妳講分手,想返到香港第日同妳講分手,因為我真係開始頂唔順妳對我的態度,行為,完全唔似對一個男朋友既態度,我好著緊對方緊唔緊張我,同妳一齊我完全唔覺得我係妳老公,但返到香港我始終冇講到分手,因為我真係好唔捨得妳.我地開始既三個月感情會會變淡,妳冇對我之前甘濃烈.可能因為妳每次講結婚D野,我好似當聽唔到甘,我好唔想為左結婚而去結婚,到後來其實我真係冇林住同妳結婚.妳一值以來只係想搵個結婚對像,而我只係想搵個伴,大家根本唔應該係一齊的,但我真係有付出感情,呢個係事實.其實後來有一兩次妳FEEL到我想分手,妳講D野暗示唔想分手,我果時覺得好幸福,因為我終於FEEL我的存在啦.但其實係妳唔憤氣俾我講分手先姐,大家係埋一齊唔應該開心既咩...點解我一值活在痛苦之下...好多人勸過我要飛左妳(拒太港女啦..又樣衰..月亮面..冇波又冇羅)我話我鍾意咪得囉. 妳當我水泡其實我唔介意,一開始就知,只係想做多D野令妳改變,令妳會真係喜歡我.妳分手SEND段野過黎就當分手,一句性格不合就分手,妳甘做其實有兩個目的,第一目的唔想我HURT,第二目的妳仲當我係後備.其實妳甘做好折磨人...我開頭仲以為妳開玩笑係咪測試我,係咪我做得唔夠好呢對妳,所以我挽留過妳兩次.妳話唔返屋企果晚,我意識到會出事,怪只能怪妳多口講呢D野俾人知,妳甘做亦只係想更多人支持妳既想法,無對我既歉疚.當我知道真相既時候,我最心痛既野妳知唔知係乜野...唔係妳對我既不忠,亦唔係妳對我講既所有謊言.係妳對愛情觀呢樣野,妳見呢個男人第一次竟然可以失身蝕底俾拒,而且妳仲好早打電話俾我話唔返屋企訓,妳當肉體性愛係一種籌碼?妳當肉體性愛係一種本錢?妳地岩岩識,妳會有幾愛拒,拒又有幾愛妳,只有妳地心裡面先清楚,唔好為左一D目的而用呢一種野去交換,妳會令好多人都睇妳唔起,好烏髒,好得人驚,你知唔知道我聽到之後,我真係喊左出黎...點解妳會有種甘既心態同性格...好難想像我同過妳一齊.妳話我唔了解妳..還是我太了解妳..所以唔同妳結婚呢。我記的妳講果過你EX曾經話過妳,乜你以為全世界既人都會鍾意你咩,妳叫左拒做扑街人,我會唔會變左扑街人2/3/4/5號 ? 請好好珍惜妳而家果個 ,思想性格改變一下 , 有時為左愛既人改變一下都好幸福架, 幸福唔會一世跟住妳 , 正如妳對我一樣 , 訓醒竟然所有幸福一無所有 , 我講甘多野 ,唔係想要妳同返我一齊 ,當你唔返屋企果晚做過果D野 , 妳都清楚知道我地唔會再有彎轉 ,所以妳寧願唔俾我知 , 呃得就呃 . 講多句...我唔希望見到我曾經愛過既人會變得甘墮落 , 甘令人討厭 .這是重點 , 保重。

之後她的回復 :

你完全錯哂，唔係我ex話我全世界人都會鐘意你咩，係一個舊同事講既，另外只係我醒覺，我要既係一個合適既人，結唔結婚都冇所謂，你亦唔知道係我生日果日，我所有既朋友都叫我同你散，係我一直咁拖，唔好以為sex對我來講係一個篤碼，啲樣野對我來講並唔重要，我講過你根本唔了解我，其實以上既說話亦講多無謂，我只會令你討厭，因為我好清楚我愛既並唔係你，慢慢你會明白我感受，我生活得好好，有心，再見
再說，我有心話俾人知等你知，等你知道我唔會再返轉頭，我一直都唔明白原來認識既時間長短係唔會令到一個唔明白你既人去了解自己，但由你身上我清楚睇到，係我病緊食緊藥既時間係我最迷茫失方向既時間，我亦曾經以為愛一個人可以付出所有，所以你而家既心情我好明白，當你愛過，就會被愛，最後會找到合適既人，天好公平，你會遇到你適合既一位！不要記恨，當你忘記左對我既恨既時間就會出現啲個人！
其實我亦有付出過，只係你睇唔到，唔好再連絡啦，我唔想我男朋友唔鐘意，對不起！

生日正日果日陪唔到拒係事實 , 但上一日有去食蒲飛 , 我唔知唔當係的

拒話拒有付出過 , 但我真係完全睇唔到囉...

而家就算拒想同返我一齊我都唔想 , 我只想見到拒一敗塗地個樣 , 我係咪有病 ? 成日失眠...林住拒d野....