我係新手
岩岩係材料鋪買左一包hearty同iclay
想買埋油彩之際點知店員話無貨
佢介紹我話用塑膠彩一樣ok
請問係唔係真既呢
油彩同塑膠彩出黎既效果會唔會有分別既呢
另外我想請教埋
如果想件作品有保護，但又唔想佢令身，可以搽D咩呢
我知市面有隻叫啞色光油，咁搽左會係無色定係會變左啞色呢
水性油同油性油有乜分別呢
你地有無邊隻用開好用可以介紹我呢
我岩岩對黏土有興趣
D資料都係網上睇返黎
好多都係一知半解
希望你地唔好介意幫下我手啦
thank you
更新1:
re: che 謝謝你的提議 re: 淇 首先好多謝你既回覆 我上網睇D人都係話用油彩，不過個sales話塑膠彩都得，所以果陣我都唔知點揀好 如果你話用油彩好既我就一於買油彩啦 iclay係包黏土個名黎，牌子叫AMOS，韓國做既，我係三聯買既，仲未開黎用 我係三聯都見到有光油賣，佢有兩款，一隻籃色包裝，一隻黑色，我問個店員兩者有乜分別佢都答唔到我，我都唔知買邊隻好 原來你係老師黎架，你D作品好靚呀，D資料都好有用，多謝哂你呀
更新2:
thanks 我見佢包裝寫住超柔軟、無裂痕、又平咪試下囉 如果要買唔同色黎溝我諗我唔會買囉，咁溝法好煩，我又唔熟手 我想問呢，輕黏土和樹脂黏土做出黎既作品有咩分別架 係咪樹脂黏土會硬身D同有透明感? 咁幾時應該用輕黏土，幾時應該用樹脂黏土呢 同埋想請教下，如果我整個蛋糕，之後想將佢切開一件件，咁我係整好即刻切定等佢乾左先切呢? 即刻切我驚會變形，乾左先切我又驚整唔到裡面蛋糕個texture(我想用針挑) 另想問後期上色的問題，上乾粉彩和油彩，應該等件作品乾左先上定係即刻可以上色呢? 好多問題，希望你唔好介意啦，謝謝
更新3:
多謝你的回覆 整花太難啦，我係初哥，我暫時只係想整下野食、公仔依類得意野 我諗輕黏土應該夠我用架啦，樹脂黏土貴咁多，等我整得叻D時先轉 上色方面，我係想用黎整餅乾，想整D烘過既效果，eyeshadow通常都有閃粉，唔知買邊款岩 我果盒乾粉彩都係係$12蚊店買既，仲未開唔知好無用 尋日我終於有時間開包iclay黎玩，估唔到個質地真係好得意，乾左真係好有彈性，有D似橡皮膠