想請教steventtw20,關於中日真的開戰

多謝sou兄既提問，近日小弟眼白白睇住日寇強佔我國領土，但不僅國家毫無作為，而且香港人甚至完全不聞不問，對我國被人恰到上門都無動於中，小弟只感到無限唏噓，意志消沉。令我更失望既係嗰班幾十年前慷慨激昂保釣青年，今日竟然厚顏地以正義面目出來話要重投社運，但竟然對保釣隻字不提！今晚有無數青年係政府總部聚集，為自己認為啱既事不惜絕食，但佢地年輕既熱情並無用於保家衛國，甚至連維護國家尊嚴既一點點正義聲音都聽唔到。如果嗰班社運前輩真係愛國，愛社會，愛下一代，亦要其他人明辨是非及匡扶正義，點解唔趁呢個最好時機宣揚保釣信息，為國家講番句公道話﹖不幸既係，中國人始終只係善於內鬥既民族，見到外國人，尤其係日本人，即刻腳軟，究竟日本人有乜咁得人驚，整個中國十三億人，包埋香港人，連鬧下佢都唔夠膽﹖！中日衝突，對中國來講最重要既唔係軍隊夠唔夠打，呢個問題要打過至知，但整個中華民族泱泱大國，對卑鄙下流小日本即刻變鵪鶉，你叫人地點忍心唔恰你﹖

日本仔有能力打港澳﹖就算大陸宣佈港澳不設防，比個天佢做膽佢都唔敢亦唔得。當年日魔打香港，要係中國先苦戰四年，再加埋英帝國放棄東亞防禦既情況下先至偷到雞，今日以日本收縮九成九既國力，佢最多只可以派AV女優來打香港。包括日寇在內，佢地心知肚明中國幾十年來累積既國力係幾咁驚人，根本依家全世界都無國家夠膽全面與中國開戰，日本排老幾﹖唔通佢地真係唔驚中國海空軍全面進攻及核武器﹖

日本空軍已全面落後於中國，只有海軍有啲競爭力。香港嗰啲媚日小人，一聽日本海軍就癩晒尿，首先以解放軍既實力，完全無必要同日寇打水面艦隊決戰。中國有先進核潛及AIP潛艇，可於深水大洋封鎖大片海域，日寇對此只能寫個服字，因為日本潛艇根本無法於深水大洋作戰。係中國鋪天蓋地既彈道飛彈、巡航導彈及反艦飛彈既全面攻擊下，中國海軍根本完全唔需要同日寇對打水面戰。即使打水面戰，日寇水面艦隊最弱既正正係反艦作戰，到依家仲係用魚叉飛彈，射程比中國反艦飛彈短一倍，佢地憑咩同中國海軍打﹖仲有，天下人都知中國能夠發射巡航導彈及反艦飛彈既不止戰艦，潛艦及海航戰機都係有效平台，日本空軍得少得可憐既F-2可以射魚叉，F-15J甚至只有少數可以射中距彈，相反中國連殲八都可以射霹靂12，除非中國所有飛行員都係幼稚園學生，否則日本與中國全面開戰，空軍與海軍都要面對毀滅性打擊。最後日本絕對無拼死一博既權利，佢連似樣啲既對地攻擊機都無，面對中國有強大既核武庫，日本仔搵咩來博﹖


2012-09-08 10:41:53 補充：
古語有云書生論政，樓下阿茶朋友就係例子。打仗都需要合法﹖美國打伊拉克從來無被聯合國授權，候賽因政權照樣一個月內亡國。我向你射成百上千支飛彈打到你全軍收皮，有邊條法律可以對飛彈既威力有任何影響﹖另外，國際上有邊條法律對任何國家有過約束力﹖人類打仗至少打左5000年，從來無人因為一紙空文而停戰。戰爭係實力既拼鬥，雙方停戰或維持和平係因為大家互相都打唔贏對方而已。

2012-09-08 11:04:08 補充：
阿茶兄對美國有太多幻想。美國係一個精明既國家，佢打一場戰爭背後有非常精密既政治計算。要美國冒與全球第三強國大規模開戰既風險，呢場戰爭必須要為美國帶來極大利益或背後有更大不可放棄既利益。除非中日去到打總體戰既地步，否則只係一個島，而中日雙方衝突並不嚴重，則美國應該唔會直接介入雙方既爭執，至多做後勤支援。

2012-09-08 12:31:43 補充：
想回應一下志雲兄，我始終保釣應該係全中國人都要關心既事，如果保釣元老只為國民政府發聲，咁都係嗰句，唔好怪人地睇唔起我地，因為中國人連呢件咁小既事都只識內鬥，人地點會唔當我地係傻仔﹖如果係咁，以後都唔好再保釣算啦！

2012-09-09 11:13:47 補充：
回志雲兄，如果一眾保釣元老及現今中國領導人真係如你所講咁唸，我可以肯定不僅釣魚台永遠無法爭番來，而且之後幾十年會有更多領土會陸續喪失。中國人既民族性就係咁差，對自己人殘暴不仁，天下間最卑鄙下流既招數都可以使出來，但對外國人就卑躬屈膝，即使自己毫無道德，亦係係人地面前扮晒正人君子，懶係講道理。人地根本無唸過同你談判，擺明係搶，你唔發惡人地就當你傻仔，對我國利益予取予攜。

2012-09-09 11:21:25 補充：
釣魚台之爭，天下間根本無人對雙方既所謂理據有興趣，人人剩係知道日本係實際控制者，就係咁多。事已至此，中國廢到連驅逐日本大使呢個最起碼既動作都唔夠膽做，廢成咁，根本唔會再有人聽傻仔講野。保釣運動由當年滿腔熱血，到40年後既今日一敗塗地，一事無成，只係中國人過於懦弱及無能，完全唔怪得人。

2012-09-10 20:23:07 補充：
再回志雲兄。小弟好欣賞你既高風亮節。無錯，同其他人鬥搶野係野蠻人行為，問題係，你身邊每一個人都係冷血野蠻人，佢地唔單止唔覺得有問題，仲要打橫行無人能阻，次次都搶你野。偏偏呢個野蠻人真係唔打唔學乖，只要你斯文的佢都過來予取予求，你會唸住繼續做君子然後比人搶晒所有野，定係強硬起來保護自己﹖

2012-09-10 20:27:10 補充：
美國本來就係以武力來決定一切。只係美國老一輩既政治精英實在太聰明，明明週圍打仗都可以令國家愈來愈壯大，只係越戰先至出事。美國自從二十世紀開始，不停用兵，大部份都名利雙收。老實講，以中國外交手段及思想之拙劣及幼稚，根本無可能好似美國係國際上咁順風順水。

2012-09-10 20:32:44 補充：
另外，我唔明點解伊拉克入侵科威特會推論到小弟盲目愛國。入侵科威特係二十世紀最下流既戰爭，美國帶領全球義軍討伐實在係匡扶正義既偉大戰爭。點解要係野蠻日本人面前扮君子﹖佢地有試過同你講道理﹖今年係中日邦交四十年，亦係中美外交正常化四十年。但就係1972年，美國將釣魚台及琉球交比日本，表面上兩國想同中國搞外交，但實際上就明剃你眼眉，擺明睇你唔起，比人咁睇小法都要扮君子﹖小弟做唔到。

其實我覺得釣魚台5多5小都係關美國
如果5係中日都5會咁激
美國係好怕中國強大,如果5係美國都5會造咁大殺傷力武器啦(分明針對中國)
如果中日真的開戰,美國一定幫日本,要係開戰都係我地d平民慘d
日本係5會對香港攻擊,不竟是英國值民地
日本5會最先打香港,英國有可能幫手(除非佢地表視自已立場)
到時港澳一定有影響啦(玩野啊)
中國同日本打未必輸 中國不竟軍事開始勁and向外國買先進武器 不過日本海軍第2 中國有可能輸 美國第1

我自己立場係一個島姐5洗攪咁大 大不了無左個島總好個大量人死傷 係5係先

個人認為會打一場好似英阿馬島一樣的小規模戰爭

中國政府最大的敵人只有中國人民。

為人民與日本開戰？試問有邊個人會幫敵人打仗？

2 0 5 5
六國開戰
2 0 4 5
而另傷亡
2 0 3 5
中日開戰
2 0 2 5
中美開戰
2 0 1 5
而另意外
兵力
8 6
比例
8 1
本壹

開戰也要有理由，理由不同會有不同的結果！

如果你係指因為釣魚島主權既問題而開戰，中國必遭慘敗！

慘敗理由是美國會軍事介入，軍事介入當中因素包括有的是：

1. 不想中國軍事實力擴張，影響到美國軍事發展地位。

2. 美國在日本沖繩設有美軍基地，假設中國成功奪取釣魚島主權後，美國會受到各種政治及軍事等因素影響。

單憑上述兩點都足以令中國會聯想到開戰有呢個問題存在也會審慎考慮。

其次是開戰要經聯合國安理會通過才作發動，但美國 <- 常任理事國 一旦反對，中國都不能透過合法途徑發起軍事行動。

另外一說，國際法院亦沒有裁決釣魚島主權是屬中國所有，更不能透過國際法律去發動呢場戰爭。

所以莫講話中日開戰誰勝，能否透過合法途徑去發動戰爭都幾難。

2012-09-08 05:21:49 補充：
假若兩國戰爭任何一方需尋求他國協助抵抗入侵者，可毋須向安理會或國際法院通過，只要戰爭方授權參戰方介入，加上戰爭過程中冇違反國際法院所列出的公約便可。

Steventtw20又言重喇，請你勿對那班幾十年前之保釣青年失望，或感不快；因為釣漁台列島之主權，實在有商榷。七十年代初，美國將釣漁台交還日本時(連同沖城一拼交還)，當時祇有老蔣在聯合國出來抗議；老毛連屁都無放過一個。雖知道，當時中國與台灣都未正式成為聯合國會員，祇是以觀察員身份出席聯合國會議；問題重點是，台灣開口抗議，中國無抗爭，那現在又可有幾多權利去爭取呢?

2012-09-08 04:31:47 補充：
那時香港之保釣人士，主要是在港替台灣向聯合國爭取；而不是代中國向聯合國爭取。現時小馬哥都無出來繼續向日本施壓，你話香港之保釣人士，又可做甚麼呢?
當然，土地主權屬誰；會因為幾個國家關係之微妙變化，而有所不同；發展方向亦未定。所以當我認清了事實後，現時就更難有所立場。

2012-09-09 01:23:23 補充：
steventtw20:
這其實並不是與中國人內鬥有關；而是與法治精神有關，所以那些保釣元老咪冇出來囉。舉例當你屋企比人霸佔左，你理應立刻企出來抗爭。但你不聞不問，在過左幾十年後，知道地產有價，才去爭取，在法理上當然講不通。
當然你國力強，以開戰方式去搶回來是另一回事；這在國際上並不少見。但亦有時會在國際間成立聯軍，一同攻打侵略國，引起世界大戰(這是有機會的)。所以決定開戰方必須要取得一個合理之理由，免反被聯軍攻擊。我個人覺得，中國大陸現時未有取得這個合理理由；日本都看出來了，所以才這麼大膽。

2012-09-09 21:25:44 補充：
你覺得人地搶你野；你又去搶回來；這與未開發之野蠻人有甚麼分別?
當年依拉克入侵科威特，就是steventtw20你這情況一樣。盲目愛國，這可以很危險的。

2012-09-09 21:42:53 補充：
而且，你又有否一拼考慮南海問題呢?
如果世界真是以武力來決定一切，美國早就成為世界霸主啦..........

2012-09-11 11:42:43 補充：
在國際關係，是應該以君子態度去處理；否則就會天下大亂。而我舉出南海之例子，與釣魚台亦有關係。中國在元、宋時期，航海能力極強，可遠至地中海，開闢海上絲路；推算應是世界第一。釣魚台及南海範圍亦極可能在當時已發現；但在明朝三寶太監7下南洋後，就出現了近二百年之海禁令，甚至燒毀所有有關航海之書籍及航海日誌。所以越南可以話，中國在清朝後期，才有南海有關記錄(所以話南海或釣魚台是中國固有領土，直是費話；都冇文件佐證)。
現在處理這類紛爭就應現實一d，實事求是；以聯合國成立後之實際情況處理。

2012-09-11 12:02:06 補充：
伊拉克都是話科威特原本都是屬於伊拉克，所以話要入侵取回自己之土地。
在釣魚台事件上，台灣當時就立刻出來反對；而中國大陸冇這樣做。原因我相信有最少兩點﹕首先，台灣事實在中國執政左11年，至現時尚未被消滅或被合併；按理才是承傳釣魚台權利之實體朝代。其次，中國初期基本上無注意過這個荒島，在90年代聯合國制定各國海界問題時，才發覺釣魚台之重要性。