租樓應注意事項

1. 同埋租樓一般而言係咪需要簽立兩年租約？定係睇乎個別業主意向？對此法例有無規定？

冇法例規定要租幾耐既, 不過通常都簽一年死約一年生約, 死約期內不能退租, 生約期內提早一個月通知, 基本上租期係你同個業主傾既je


2. 睇樓要注意的事項

a. 業主包唔包家電? 有就要check d 電器work唔work, 如果你住落之後先發現, 好可能要你自己俾錢維修架啦.
b. check下d 去水會唔會塞左
c. 如果業主包傢俬既, check下有冇損壞, 有既話就照相俾個業主(最好叫個業主響張相上面簽個名寫返個日期), 到時你搬走既時候冇得賴話係你整爛
d. 租約上面要寫明包左d咩傢俬電器俾你, 仲要寫明係幾多部, 例如3部冷氣, 1個雪櫃, 1張梳化......


3.是否可自由裝修

需要得到業主同意, 而且要響租約上面寫明搬走既時候需唔需要還原


4. 管理費由我交還是業主交

你同個業主傾既, 可以業主交, 可以租客交, 業主交既話, 佢收你既租又會高d咁解je, 所以邊個交都冇咩分別架啦, 為方便起見, 緊係叫業主交la, 無論邊個交, 都要響租約寫明

其實沒法例規定須簽兩年租約，只是一般的協議做法，兩年約為一年生約及一年死約，死約是頭一年雙方不能退租，否則要陪賞餘下租期的租金，而生約是租住第二年雙方可以一個月通知期退租，但有些業主會以短期租約租樓，所以租樓前可查詢地產代理業主意願，及雙方達成共識才簽約！大部份業主都會裝修妥當才放租，希望可收較高租金，有些業主就會省卻裝修費而下調租金，不論那種都需要在簽約前檢查清楚單位設施，有冇維修地方及所包傢俱電器，有問題可要求業主改善及再在合約上列明清楚，因約滿交樓時須與簽約時的單位狀況一樣，如有缺損業主可以在按金扣減！最後若想自己裝修應先與業主溝通，否則退租時業主可能要求還原單位模樣！