我對自己過去的軟弱無能感到內疚

話說我喺小學嗰陣因為覺得比老師同父母冤枉，
結果為鬥氣而喺學校自我封嘴咗幾年。

點知上到Form 1 (Band 1 中學) ，
就因為坐錯喺個留班生側邊 (當時以為佢可以教我野)，
結果反而比佢騷擾我上堂，
摸身摸世又攪呢攪路，
甚至乎比佢偷咗我D野，
攪到考試之前溫唔到書。

而令我最痛心嘅係，
被人強行去觸摸我嘅下體。
不單令我身心受損，
更令我嘅記憶裡面留下一條無可挽救嘅傷疤。

不幸嘅事情又再重演，
喺之後嗰幾年，
我又數次被故意地侵犯過。

我一方面痛恨上述嘅欺凌者嘅所作所為，
另一方面我更痛恨自己當時嘅軟弱無能。
我既唔識選擇朋友，
又唔識去拒絕人，
而且事後又唔敢告知老師，
反而縱容咗呢班人嘅劣行，
由得佢地去銷遙快活。

事隔數年，
每當我想起呢D事，
都會愧疚自己當年選擇了逃避，
導致現在的自己無力挽救。
明知自己比人欺凌，
但係就呢樣唔敢嗰樣唔敢，
令到自己依家看不起自己，
甚至感到理虧。

事實上做錯事嘅喺人地，
但係攪到依家做錯事嘅好似喺自己咁。
我真係唔知點樣去面對呢樣野，
過咗咁耐又無咩可能可以討回公道，
我應該點樣去應對上述嘅問題？