對於未來有點迷失與害怕..

大家好..其實我都唔知大家是否真能幫助我
但我只想找人聊聊天，其實我有諗過打電話去求助熱線
但又覺得自己好白痴就無打。。
我好迷失。。以前讀書成績其實平平唔算差
但就學人去蒲。。結果中一都未讀完就無讀
以前識左好多朋友。。以為自己好威好乜咁
依家諗返先覺得自己低能又白痴。。
對於依家我好迷失。。成個未來唔知點
曾經好多次諗過自殺。。但又放唔低屋企人所以無去
其實我會返轉頭都係因為屋企人既支持
至少我學壞果幾年直到依家佢地都無離棄我。。
令我覺得屋企好重要所以先無再行錯路。。
但變返好後。。唔知點解無咩自信
但我覺得自己好無用。。學歷又差。。可能以前無諗過要搵份好工
所以無洗同人比較。。依家學歷禁低想搵份好工都好難。。
我報佐今年夜晚既新毅進。。未知收唔收。。
希望會幫到我係一條出路。。但屋企人唔太支持。。
老實講。。我覺得自己係屋企係負擔。。如果無左我佢地會好好多
我成日話問佢地借住錢先。。但其實跟本還唔起
屋企人開始老。。仲要照顧我。。真係覺得好無用
所以佢地唔撐我。。。我自己都覺得應份。。
讀完書之後出返黎我都２０幾歲。。２５－２６歲先出黎搵野做又覺得遲。。
依家出去搵又唔知搵乜。。雖然我係打算半工讀自資。。
但比唔到家用又覺得自己好廢。。
其實我對依家既自己係有打算。。因為我學習能力唔算太差。。
自學日文可以話識聽識讀識講。。有諗過去學幾隻語言
但又覺得自己無咁既能力。。而且屋企人都未必比我去學。。
問佢拎錢學就算佢有能力我都覺得自己好對佢地唔住。。
我自己就無可能去到。。我只係會諗點解我行條路咁差。。
成世人都無好運行過。。想比好日子佢地過又比唔到。。
有理想又做唔到。。　一諗到呢度就想去死。。。乜都唔洗諗
又唔洗麻煩人。。我都唔知自己可以點。。