父親爭唔爭到撫養權??

父親都有可能爭到，但係小朋友長大中途法官一定會考慮左邊個方式對小朋友比較好，因為小朋友自細就跟住媽咪，好多法官都唔太會令小朋友離開媽媽，
而且如果你地兩個都要爭，用既錢實好多
我自己係過來人，性格不合離婚真係無問題，雖然唔知你結左幾耐
但我覺得以唔好傷害小朋友為先，你要返工，你真係覺得照顧到小朋友？
你搵你父母照顧？祖父母親得過媽媽嗎？母親對小朋友黎講係好重要，
父親亦係一樣，有好多父母分開之後最多味三日跟媽媽三日跟爸爸，
最好有一日全家一齊啦，我唔知你願唔願意為小朋友做到咁
三歲前既影響係可以改變小朋友既一生，若然第時你要返工照顧唔到個仔
一直到佢１０幾歲，開始大，然後漸漸識照顧自己，唔再需要你地照顧，
然後再自己一個行入未來，我知我講到好長遠，但如果你係真心為細路既，
唔好用爭既心態去對待一個小朋友，用最適合佢既方法去解決，
小朋友係雖然要關心照料，唔係話比飯佢食養得大佢就得，
仲細果時就話好錫佢好可愛，大個左就話曳話百厭，大個左佢就唔係你個仔咩
如果你無法為佢付出更多，無法為一個自己既親生仔付出你幾乎所有時間
就爭黎都無用，我無咩私心，我只係企係母親角度同小朋友既角度去諗既一個成年人，可能你覺得我無資格講，我自己都係單親家庭大，我係跟父親，
同父親感情仲好好，但我有時真係好想自己身邊有個母親，
可以傾聽我一切既母親，父親同母親最大既分別係
父親可以為你做好多野，能夠付出既係佢無論如何都將你養大，
母親可以為你做好多野，能夠付出既佢既一生，
如果你純粹係想上黎問下爭唔爭到，覺得我講好多廢話，同你講聲唔好意思
但，最終最後邊個爭到，你地都無分贏同輸，如果無照料真正既輸家係你既小朋友

我就唔系好知要幾多錢,但系父母嘅經濟同就業情況一定系其中一個考慮因數